Pune-a Mizo zirlaite jail-ah khung

23/09/2010 00:35

Zirtawpni kalta zana Pune-a buaina chhuak avanga man Mizo zirlai 10 te bail dilna chu Thawhlehni khan bail dilna ngaihtuah a ni a. Mizo zirlai lam Ukil te sawi dan chuan police ten chargesheet an thehluh hma chuan bail-a chhuah an ni dawn lo a, September ni 21 khan jail-ah khung an ni.

Thudawnna sawi dan chuan heng Mizo zirlai 10, Pune police-in an man te hi Spicer Memorial College ami deuh vek an ni a, an zinga 1 chu DY Patil Engieering College-a zirlai niin, tunah hian Judicial Custody-ah an awm mek a, ni 8 emaw tal chu an tan a ngai dawn nia hriat a ni.

Pune-a Mizo zirlai police-in an man chung-changah hian police lam chuan an mi man zinga mipa leh hmeichhe pakhat chu inhnialin, intibuai emaw tiin thenkhatin police-ah an lo report a, police ten lak an tum chuan anni hi an tang tlat thung niin an sawi a. Zirlai lam sawi danah chuan police-te hian an awm mai mai lai Thana lamah hruaia pawisa dil an tum niin an sawi ve thung a ni, thudawn chuan a ti.

Zirlai hmeichhe pakhat chuan midang nen an inhnial buai ngei tih a sawi a, an inhnialna chhan tak erawh chu hriat a ni lo thung. Hetianga police te nen an inhnial buai takah hian police hnenah pakhat chuan ngaihdam dil pahin police tiang pakhat chu a la a, hemi hnu hian an intibuai zui ta mai nia sawi a ni bawk.  

Thudawn danin zirlai pathumte chuan an inhnamhnawih tih an pha lo a, police lam pawhin zirlai pathum tih loh chu inhnamhnawih loa an hriat thu an sawi tawh a ni.


Mizo Students’ Union (MSU) gen. hqrs. hruaitute chuan heng Mizo zirlaite hi police ten thubuai (case) rip tak IPC 332/333/143/144/148/149 an siamsak thu leh, September ni 21, 2010 tlai dar 4:30 velah Yarrawada Central Jail, Pune-ah khung nghal an nih thu an sawi.

MSU thuchhuah chuan, ‘Mizo zirlai mi pahnihte leh police inhmuh thiam lohna avanga he thila inhnamhnawiha nei lo Mizo zirlai engemawzat thubuai siamsaka man an ni leh Jail hiala khung an ni hi kan hrethiam lo takzet a ni,’ a ti a. He thil thleng an hriat veleh bawhzui nghalin, Pune zirlaite nen inbepawpa an ngaihven reng thu thu an tarlang.

Pune-a Mizo zirlaiten an zirna an chhunzawm leh thuai theihn nan hma la turin MSU hian Governor leh Chief Minister te hnenah ngenna an thlen tawh thu an sawi a. Chi leh chi inthliarna duh lova khawvel ram dangah pawh lo tawngchhuak tawh CM chak takin hma a lak ngei kan beisei takmeuh a ni, an ti bawk.

Thulakna: The zozam times

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E