Police-in Piangliana thih dan chhui zo

19/08/2010 00:29

Aizawl SP-in Tanhril VC member Lalpiangliana thih dan chhui tura a ruat RD Chawngthu, Addl.SP, Aizawl district chuan tunhnai khan a report peihfelin Aizawl SP hnenah a thehlut. He report hi phek 30 bawr vela chhah a ni a, mi hrang hrang 126 zet thu an zawt nia hriat a ni. Magisterial Inquiry leh CID lam chhuina report chu peihfel a la ni chiah lo tih thudawnna pakhat chuan a sawi.

 

Hetih mek lai hian, Lalpiangliana thihna avanga man police 7 ten ‘anticipatory bail’ an dilna kaihhnawiha court-in an hriselna dinhmun endik nawn tura a tihte chu Thawhlehni khan Aizawl Civil Hsopital Medical Board te’n Medical Superintendent Room-ah a mal malin an endik nawnleh.

 

Medical Board hmaah hian police 7-te hi an inlan kim nia hriat a ni a, a mal te te-a an hriselna an endik niin, medical report hi ni 2/3 vel chhunga endik leh a nih hnu-ah an thil hmuh dan te hi court-ah an thawn dawn tih thu lakna chuan a talrang.


Lalpiangliana thihna kaih -hnawiha man police 7-te hian Chief Judicial Magistrate Court-ah an hrisel lohna chhuanlamin ‘anticipatory bail’ an dil a, Judge chuan police 7-te medical certificate chu doctor a nih ve loh avang -in a hrethiam ve lo a, hei vang hian an dilna hi thla khat chhunga endik nawn turin Civil Hospital Medical Board chu a ti a, hemi chhung hian police 7-te hi ‘interim bail’ a chhuah lailawk an ni.

 

* Lalpiangliana posmortem video kha la en lo kan awm chuan ZOTUI THIANG-ah a dil theih e.

Thulakna: The Zozam Times

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E