PIPUTE THU HLU INZIRTIR THENKHAT

17/09/2010 23:09

1. Anchhia lawh ching suh, tuman an dawng duh lova, mahni chungah a lo let leh ngai.

2. A tha lam kawng a chhova, a chhe lam kawng a phei.

3. A zawldawhtu a tan hi hnehna a ni.

4. Aia upa aiin thlengtlang an vuan hmasa ngai lo.

5. Aia upa hmaah sa mitmu an kher ngai lo.

6. Aia upa i biak dawnin koh dan awmin kam tha hmang rawh.

7. Aia upate tirh an hnial ngai lo.

8. Aia upate zah an ngai thin.

9. Anchhia leh tawng bengtla lo an hmang ngai lo.

10. Anka nemin lawm a hlawh fo thin.

11. Anka nem hman ching rawh.

12. Anka nem chu chi telh ang a ni e.

13. Arte pawh chhan leh vang awm lovin a thi ngai lo.

14. Bakin Phingphihlip a rep thei lo.

15. Bei nge sei run dung an lo ti alawm.

16. Chaw ei bang an paihin an ti nawmnah ngai lo.

17. Chhuah khawmnaah mei tan hmasa berah an tang ngai lo.

18. Chhuah vah nikhuain mi siam sa hlir an ring ngai lo.

19. Chhuah khawmnaah a tlai berah an tang ngai lo.

20. Chhum kar ni leh falak tawng a ni.

21. Chhura duh loh Na-an nei nang nge.

22. Hmeichhe tawng chu menah an thlak ngai.

23. Hmeichhe thu thu ni suh, chakai sa sa ni suh.

24. Hmeichhe vau loh leh vau hlim loh chu a pawng tual tual.

25. Hmeichhe finin tuikhur ral a kai lo.

26. Hmeichhia leh pal chhia chu thlak ngai.

27. Hmeichhia leh uipui chu lo rum lungawi mai mai rawh se.

28. Hmelchhiat a siam theih lova, nungchang a siam theih.

29. I thu dawnin vaibel dawn pawh a chen lo.

30. In a khuai kai an sawisa ngai lo.

31. Inchhirin ban a chen.

32. Inhnial ni khuain aia upate aiin tawng hnuhnungah an tang ngai lo.

33. Kang chu a chawr no leh thin.

34. Kawi pawh a kawm a that leh a rah a tha.

35. Kawng an ping phui ngai lo.

36. Kawng an ti hnawk ngai lo.

37. Kawngchhakah e la kawngthlangah zung rawh.

38. Kel chal tha leh tlangval hmeltha chu an phit dat dat ngai e.

39. Khawchhe eng iau uau leh nau tap meng ker kur chuan ban zai an rel lo.

40. Khawchin leh nauchin a hriat loh.

41. Khawharna chu khuareiin a la hnem ang chu.

42. Khawharna hi zawng tu nu, tu pa tawngkam thiamna mahin a daih lo.

43. Lal ngai lo an lal a na an lal a kha.

44. Lam ba sah nikhuaah a hnuhnungah an tang ngai lo.

45. Lampui changkhatah mi an be chhe ngai lo.

46. Liandova te unau in mimfang khat an inphel zunia.

47. Lungpui pawh lungte in a kamki loh chuan a mahin a awm thei lo.

48. Mahni bul leh balte ngaih hi thil zahthlak a ni.

49. Mahni chanchin a tha lam sawi a lo tul pawhin “ Uangpui chang suh ila,” an ti thin.

50. Mahni in fak leh sakhi ngalah engmah a bet lo.

51. Mahni pian leh murna sawi chhe suh.

52. Mai leng an um ngai lo.

53. Mi awkhrawl a hlawhtling rih thei, mahse a tlu phut thin.

54. Mi bang bulah an thusawi ngaihthlak ruk ngai a ni lo.

55. Mi chanchin sawi dawnin an han hawi vel phawt a ni ngai.

56. Mi dawtin an puh ngai lo, Vawih loh puh mah a na a nia.

57. Mi in a len dawnin thawm an nei hmasa ngai.

58. Mi kawng dal in an awm ngai lo.

59. Mi pain mi nute an vel ngai lo.

60. Mi ran talh ruk leh phil a thiang ngai lo.

Thulakna: http:senhri-td.blogspot.com

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E