Naupang Chuan A Nun Atang A Zir
Naupang chu hmelmakna hnuaia sei lian a nih chuan,
Intihbuai dan a zir chhuak thin.
Naupang chu tihmualphona hnuaia sei lian a nih chuan,
Rilru hah leh hlim lohna a zir chhuak thin.
Naupang chu tihthlaphanna hnuaia sei lian a nih chuan,
Dawizepna a zir chhuak thin.
Naupang chu dawhtheihna hnuaia sei lian a nih chuan,
Dawh theih dan a zir chhuak thin.
Naupang chu fakna hnuaia sei lian a nih chuan,
A hlut dan hriat thiam dan a zir chhuak thin.
Naupang chu ‘sem sem dam dam...’ hnuaia sei lian a nih chuan,
Thilphalna dan a zir chhuak thin.
Naupang chu ngaihsakna leh ngilneihna hnuaia sei lian a nih chuan,
Mi zah dan a zir chhuak thin.
Naupang chu humhimna hnuaia sei lian a nih chuan,
Rinna a zir chhuak thin.
Naupang chu a nih anga pawmna leh thianthatna hnuaia sei lian a nih chuan,
Remna leh muanna khawvel mawi nawmna a zir chhuak thin.
(Children Learn What They Live by Dorothu Law Nolte chu Mizo tawnga lehlin a ni. – Zotui Thiang)