MZU hna lâkna result a chhuak Mizo 10 leh hnam dang 18 an tling

19/07/2010 15:33

Mizoram University chuan post graduate leh under graduate zirtirtu hna hrang hrang lâkna a kalpui mekah, department 10-a interview a neih tawh result chu July 16, Zirtawpni khan a tichhuak a, Mizo 10 leh hnam dang 18 an tling.

MZU department 10-a zirtirtu turte interview a neih tawh result hi Executive Council chuan June 25 khan a pawm tawh nia thu dawn a ni a; tihfel ngai dangte tihfel a nih hnuah, July 16 khan tihchhuah (publish) a ni ta a ni.

Department thenkhata Lecturer (Senior scale) atana lâkte chu lo thawk tawh sa, Junior Scale atanga Senior Scale-a kai tura interview hmachhawn ve an ni a; Lecturer tih an nih bik chhan hi - zirtirtu atana an luh laiin, Asistant Professor ti lo a, Lecturer tih an la nih vang nia thu dawn a ni.

Electronic & Communication Engg. department-a Assistant Professor atana lâk, Abhijyoti Ghosh chu Guest Lecturer ni sa a ni a, extend anga kaltir a ni. Central Library-a thawk tawh sa, Dr Lalremsiami chu lak thar a ni a, Dean (Student Welfare) atan Dr Lalnuntluanga, Reader, Environmental Science dah a ni bawk.

Hetih lai hian, MZU zirtirtu lâka tlingte hian result publish a nih hma leh, appointment letter pawh an hmuh hmain an tling tih an inhre deuh vek hlawm a. Thudawnna pakhat chuan, interview result tihchhuah a nih hmaa a tling leh tling lote'n an result an hriat theih chhan chiah hi hriat ni lo mah se, Executive Council-a member tute emaw atanga pût a nih theih thu a sawi.

Hetianga MZU hnuaia zirtirtu lakna thuneitu lamin an tichhuak ta hi lawmawm an tih thu, MSU Gen. Secretary, Zodinpuia chuan sawiin, an hmalakna avanga interview tura Mizo candidate koh chawp lehte zingah tling an awm nual thu a sawi a; MZU thuneitute'n four first class tihdanglam tuma hma an la chu lawmawm an tih thu leh, nakkin zelah pawh ram leilung fa, tling leh tlâkte chu duhsak zel tura University thuneitute an phut thu a sawi bawk.

Thulakna: Vanglaini

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E