MZP PLATINUM JUBILEE LEH ASSEMBLY VAWI 18-NA ZAWLNUAM-AH

28/10/2010 17:33

Mizo Zirlai Pawl (MZP) Platinum Jubilee (kum 75-na) chu nimin khan Zawlnuam Vengpui Community Hall-ah lawm a ni a. Home Minister Pu R. Lalzirliana leh Parliamentary Secretary Pu Lalrinmawia Ralte, bialtu MLA ni bawkten an hmanpui a ni.

MZP Platinum Jubilee lawmna inkhawm-ah hian Khuallian Pu R. Lalzirliana chuan MZP Platinum Jubilee Magazine a tlangzarh a. Thu sawiin Pu R. Lalzirliana chuan zirlai kalkhawmte chu zirna-ah quantity aia quality ngai pawimawh tur leh kut hnathawh uar leh zual tur-in a fuih a, MZP chu Sorkar khalh ngiltu leh thurawn pe thintu pawl pawimawh tak pakhat a ni a ti bawk. Pu Zira chuan chimralna lak ata Mizo hnam humhim tur te, eiruk leh hlemhletna do tlat tur te, Mizoram leh hnam tluchhe tur venghim tur te in zirlaite chu a chah a. Taimakna nen lo chuan hnam tluchhe tur kan veng thei dawn lo a; tih tak takna leh tumruhna tel lo chuan hnam kan humhalh thei dawn lo a ni a tiin a sawi. India ram state hrang hranga Mizo awmte inpumkhat leh inhmangaih tawn hi Mizoram tih zauhna atan a pawimawh a ti bawk. Khuallian chuan Mizoram Sorkar-in dik lo taka chetna a ngaizam mai mai lo a ni tih a sawi a. Hnamdangte hmuhsit leh tihduhdah ngawt hi Pathian duhdan a ni lo a ti bawk a ni.

Khuallian chuan MZP chu zirlaite mamawh chhanna ni tura inbuatsaih tur te, zirlaite kaihruaia ram leh hnam tana mi chhenfak awm buatsaih tur leh hnamdangte zinga Mizoram leh Mizo-te hmel ti mawitu ni zel tur te-in a duhsakna a hlan a. Zirlai te pawh ram tan mahni zawna rinawm taka thawktu ni theuh tur te, mahni inchhunga tangkai tur leh zawmthaw leh vervek loa hawihhawm leh zahawm taka in vawng turin a chah bawk.

MZP Platinum Jubilee lawmnaah hian Pu Lalrinmawia Ralte chuan MZP Directory a tlang zarh a. Zirlaite chu degree ringawt ni lova thiamna tak tak paw chhuak tur leh India ram ti hmingthatu ni-a a mawi zawnga kan ram leh hnam ti langtu ni turin a fuih. Pu Lalrinmawia Ralte chuan Mizoram tih rimtui a tul thu sawiin helam kawnga ngaihtuahna seng thar turin zirlaite chu a chah bawk.

MZP Platinum Jubilee lawmna hi MZP Gen. Hqrs. President  Pu V.L. Krosshnehzova’n a kaihruai a. Hruaitu hlui a hmuna kal thei mi 7 leh hruaitu ni lai mi 6 te hnenah chawimawina thilpek hlan a ni a, hruaitu hluite pual hian hun hman a ni bawk. Ni 27th October  hian Platinum Jubilee puala hun hman niin ni 28th & 29th Oct hian Assembly hman chhunzawm a ni a. Assembly hi Pu P.C. Zoram Sangliana Transport Minister  chu Khuallian niin a hmanpui dawn bawk a ni.

Thulakna: DIPR

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E