MZP Lungleiin Appointment Letter an halral

25/07/2011 23:58

July ni 25, 2011-Thawhṭanni: Mizo Zirlai Pawl Headquarters Lunglei chuan Dt.9th Feburary 2011-a Village Level Assistant (MGNREGS) atana Offer of Appointment pek tawh, tun thlenga Party Politics avanga a hna thawh tir loh, Dt.2nd June 2011-a Rural Development Minister R.Lalzirliana hnena a hna thawhtir tura a ngennain awmzia a neih loh avangin Offer of Appointment Letter No. B.13018/51/10-DRDA(L)/MGNREGS(S)/291 Dated Lunglei the 9th Feb 2011 chu vawiin Dt.25th July 2011 Dar:11:20 a.m khan Mizo Fed kawt Venglai, Lungleiah halralna hun an hmang.

He hun Benjamin Vanlalfela, Treasurer MZP Hqrs Lunglei kaihhruaiah hian, Lalbiakchhunga Ralte, President MZP Hqrs Lunglei chuan thusawiin, “VLA atan hian District Programme Co-Ordinator/Deputy Commissioner Lunglei hova Interview Board thukhawm chuan mi pahnih Lallianzuala leh H.Laltlanzuala chu he hna atan hian Offer of Appointment an pe a, H.Laltlanzuala hian he hna hi Dt.11th Feb 2011 khan a thawk duh a ni tiin, a hna thawhlai ICDS Office atangin banna a thehlut a, amaherawhchu Party Politics rawn lutin Official tena dik leh fel fai taka an lak chu Party Politics avanga kal tlangpui lo tura tih a ni a, hei hi MZP Hqrs Lunglei chuan a dem takzet a ni,” a ti.

MZP President chuan, “Kan sawrkar rorelna dik duh tute hian thuneihna inchhuhsak zel hi em ni change a tih? Dikna hi a ni lawm ni luipui anga luang tur chu, hetianga thuneihna kan Centralised zel chuan Zoram zim tea cheng Zofate hi kan in\hendarh mai ang tih a va hlauhawm em? Heti khawpa rorelna dik a awm theih nana sawrkar kal dik lo tur venga pawl hrang hrang MPF, PRISM, SOSA, MZP, MSU, YMA leh pawl dang dang ten thahnem ngaia sawrkar an venpui laia ven sen loh a ni hi pawi kan ti a, sawrkar kal dik lo tur venna kawngah MZP Hqrs Lunglei hi hnung tawlh a tum lova, a kal zel dawn a ni tih hi kan sawrkar thuneitu te hian lo hre mawlh rawh se, rorelna dik chu kan ramah lo luang zel sela, Party Politics avanga dik lo taka thil tih te he kan documents halral hian thian fai mawlh rawh se,” tiin a sawi bawk.

H.Muansangpuia Secy i/c Games & Sports & Organisation in tawngtainaa a hlan hnuah sawrkar laka lunglawi lohna lantirnana Poster tar nghal a ni.

Thulakna: Vulmawi Daily, Lunglei

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E