MZP-in Home Minister hnenah Tuikukte chhuah dan hrilhfiah

26/05/2010 15:57

MZP chuan, nimina Union Home Minister, P Chidambaram hnenah memorandum an lo thehlut a; Sakhan tlangdunga Mizote Tuikuk hoin an hnawhchhuah thu te, Mizoram atanga Tuikuk tlanchhiate chu anmahni duh thua chhuak an nih thu te, North Cachar district-a Hmar mipuite harsatna sorkar laipuiin ngaihven se an duh thute leh, thil dangte an hrilh.

MZP hian an memorandum-ah hian, Tripura-a Mizote chu British hunlai atanga awm tawh an nih thu leh, an zinga eng emaw zat chu kum 1998 khan Bru Students Union ten an chenna in atanga an hnawhchhuah thu an ziak a; Mizoram atanga Tripura-a Tuikuk tlante chu anmahni duh thu ngeia chhuak an nih thu sawiin, hetah hian a finfiahna, BSU-in Tuikukte chhuak tura a tihna lehkha pawh a memoramdum-ah hian an thil tel a ni.

MZP chuan, Tuikukte, kum 1995 electoral roll-a chuangte chu Mizorama an kir an dodal loh thu sawiin, Mizo leh Tuikuk inkar chungchangah hian sorkar laipuiin Tuikukte a tan zawk nia an hriat thu leh, Sakhan tlangdunga Mizote chu sorkar laipuiin chhawmdawl ve se an duh thu an tarlang bawk.

Kum 2003-a Cachar leh North Cachar Hills district-a hnam leh hnam inkara buaina chhuak vanga tlanchhia Mizo (Hmar)-te chu sorkar laipuiin a ngaihthah thu tarlangin, MZP chuan, "Sorkar laipuiin Tuikukte tana chhawmdawlna hrang hrang a pek laiin, Hmarte hi kum sawm hnuah pawh pek an la ni ve lo," an ti a; Hmar raltlante chu ngaihsak ve turin an ngen a ni. MZP hian hmarchhak state thenkhata Armed Forces (Special Power) Act pawh ennawn tur leh, a tul anga hlîp turin Union Home Minister chu an ngen bawk.

MZP-te hian Home Minister hnenah hian lehkha dang pahnih an thehlut bawk a; chutah chuan, Delhi-a hmarchhak zirlaite himna ngaihtuah tur leh, Delhi leh Kolkata-ah Mizo zirlaite tan emaw, hmarchhak zirlaite tan emaw hostel sak a nih theih nana hma la tura an ngenna thu an ziak a ni.

 

Thulakna: Vanglaini

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E