MZP-in ITBPF advertisement hâl

23/08/2010 17:23

MZP chuan, Indo-Tibetan Border Police Force (ITBPF) constable/general duty tur lakna tura advertisement chhuah copy chu, Inrinni khan an office chung záwlah an hâl.

He advertisement-ah hian India rama state dang zawng zawng leh UT tinte tan quota siam a nih laiin Mizoram tana siam a ni ve lo a, duh lohzia lan­tir nan MZP hian  ITBPF advertisement copy hi an hâl a ni.

MZP President VL Kross­hnehzova chuan, “India sorkar hian Mizoram hi a thlauhthla ta em ni? India state hrang hrang leh UT ten quota an neih vek laia Mizoram thlauhthlak kan ni hi Mizo thalaite rilru a tina tak zet a ni. India hian a ramah Mizoram hi min chhiar ve ta lo em ni?" a ti.

MZP President chuan, quota siamah Mizoram telh a ni lo chu tihpalh thil a nih theih thu sawiin, chutiang a nih chuan dilna thehluh hun tawp ral hmaa Mizote'n an dil hman ve ngei theih nan advertisement chu siamtha a, Mizoram pawh quota pe turin thuneitute an phût tih a sawi a; India sorkar chu ngaihdam dil turin a phût bawk.

Advertisement siamtha a, Mizoram tana quota siam a nih theih nana tan la turin MZP chuan July 27 khan Governor, MM Lakhera hnenah lehkha a lo thehlut tawh a, Mizoram Home Minister hnenah a copy pek a ni. Hetiang bawk hian August 19 khan India President hnenah lehkha an thehlut bawk a, a copy chu Union Home Minister leh mi pawimawh dangte hnenah an pe bawk.

ITBPF lâk tura advertisement hi July 26, 2010 khan chhuah niin, hna ruak zat chu 850 a ni a, SC tan 130, ST tan 83, OBC tan 178 leh General tan 459 a ni. Dilna thehluh hun hnuhnung chu September 22 a ni a, state kilkhawra mite tan September 29 a ni.

Thulakna: Vanglaini

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E