Myanmar Sorkarin Myanmar Ram Puanzar Thlak Thut!

21/10/2010 23:56

21 Oct. 2010-a Myanmar Sorkarin A Hman Thar Myanmar Ram Puanzar Thar

Myanmar sipai sorkar chuan inthlanpui dawn hnaihah ram puanzar a thlak thut a, ram hming leh ram hla pawh a thlak nghal bawk.

Ni 21 October 2010, Ningani tlai dar 3-ah Myanmar sipai sorkar television, radio leh chanchinbu-a an chuantir angin, kum 36 dawn lai hman lo ni tawh  ram puanzar chu thlak thla-in ram puanzar thar zar a ni. Ram puanzar thar hi sorkar office-te leh NGO office-ahte tlai dar 3-ah pawh pharh a ni a, puanzar thar zarna hmun tam takah chuan ram puanzar hlui chu hal a ni.

Ram inthlanpui ( 7 November 2010 ) neih ni tur chawlhkar hnih vel duha hetianga sorkarin ram puanzar a thlak thut ta mai hian mi tam tak hrilh a tihai hle a, political party thenkhatte ngaihdan a ni lo hle bawk. Hetih lai hian mi tam tak chuan ram puanzar hlui chu thlak thla duh lovin, an la hmang tho bawk.

He ram puanzar thar hi kum 2008-a ram inawpna dan siamin a nemnghet puanzar niin, a lai-ah arsi var lianpui, a background-ah rawng eng, rawng hring leh rawng sen hman a ni. Mi tam tak chuan kum 2008 khan ram inawpna dan thar chu nemngheh ni mah se, chu dan thar chu inthlan zawh sorkar nihna inhlan fel hnu zetah chauh hman tan tur a ni a, hetianga sipai sorkarin tuna a thlak thut hi an dem takzet.

Ram puanzar thlak thlatu tur atan Thawhlehni-a piang an ni tur a ni a, puanzar thar pawt pharhtu tur atan Nilaini-a piang a ni tur a ni, tiin sorkar chuan thu a tichhuak niin sipai officer lian pakhat hneh atanga a dawn Ayeyarwadi online magazine chuan a tarlang. Hetianga tih a nih chhan chu arsi lam atang hun lo thleng tur hrilhlawktu (astrologers)-ten an sawi vang a nih thu tarlan a ni bawk. Astrologers-te hi Myanmar sorkar chuan a ring hle a, an thu a zawm thin niin a lang!? Ram puanzar thara rawngte hian remna, muanna, lungrualna, inpumkhatna, hmangaihna leh tanrualna a entir niin thuneitute chuan an sawi.

Myanmar Ram Puanzar Hlui

Myanmar sipai sorkar chuan a ram hming  the Union of Myanmar ” ni thin kha, “ the Republic of the Union of Myanmar ” tiin a thlak bawk a, ram hla tur pawh siam fel a ni tawh a, tuna ram hla hman mek pawh hi hman rei a ni tawh dawn lo a ni.

Kum 1962 khan sipai-in Myamar rorelna a la-in a awp a, a ram hming “ Burma ” tih chu “ Myanmar ” tiin a thlak nghal a nih kha!

Thulaknate:

Reuter

The Ayeyarwady

DVB

VOA

Mizzimaburmese

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E