MSTCS TEN MEDIA NEN NASA ZAWKA HMALAK REL

16/11/2010 17:10

Vawiin khan Mizoram State Tobacco Control Society (MSTCS) buatsaihin Consultative meeting on “Development of Media Strategies for Tobacco Control” tih hmangin MSTCS Conference Hall ah meeting neih a ni. He hun buatsaih a nihna chhan chu engtinnge chak zawka print & electronic media te nen a thawkho a vaihlo dona kawnga hma kan lak ang tih a ni. He hunah hian horading pre - testing and finalization neih a ni a, engtinnge print & electronic media te kaltlangin vaihlo dona kawngah hma chak takin kan lak theih ang tih ngaihtuah ho a ni bawk.

 

He hunah hian Global Adult Tobacco Survey (GATS) 2009 - 2010 sawihona hun neih a ni a. GATS 2009 - 2010 hi 14th September - 30th November 2009 chhung khan Mizoram hmun hrang hrangah neih a ni a, he survey atanga a landan chuan 67% in Mizote zingah vaihlo kan hmang a India ramah vaihlo hmang tam ber State kan ni. Survey atanga a landan chuan Meizu mi zingah 2.2% chauhin meizuk hi bansan an duh a, vaihlo a hmuam emaw eichi hmang zingah 1.5% in bansan an duh a ni. Meizuk hi hriselna atan a tha lo tih 98.4% in an ring a, vaihlo a hmuam emaw eichi hi 95.2% in a tha lo tih an ring bawk a,  secondhand smoke hi 93.4% in a tha lo tih an ring bawk. GATS atanga a landanah chuan India ramah Mizoram hi vaihlo hmang mipa leh hmeichhia ah kan tam ber a, “KHAINI” hmangah phei chuan kan sang ber a, India ram a vaihlo bansan duh ah kan tlem ber bawk a ni.

MSTCS hian 8th September - 30th October 2009 chhung khan Mizoram chhunga District hrang hrangah Opinion Poll a buatsaiha chuta tanga alandan chuan Mizo zingah 89.60% in vaihlo hian hriselna a tichhe thei a ni tih hi an ring a, 85.30% in Secondhand smoke hi meizu thin te ang bawkin a zu lo te tan a hlauhawm tih an ring bawk a, 81.10% in vaihlo khuahkhirhna dan COTPA 2003 hi hman a ni tih an hre bawk. He Opinion Poll atanga alandan chuan 73.10% in meizuk hi bansan an duh a ni.

A chunga tarlan tak ang hian Mizote hian vaihlo hi kan hmang nasa hle mai a. India ramah pawh cancer vei tam berna state kan ni a. Hemi a nih avang hian tan nasa taka kan lak a hriselna tichhe thei vaihlo hi kan do tak tak a hun ta hle a ni.

Thulakna: DIPR

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E