MJA GEN.HQRS HRUAITUTEN SERLUI B HYDEL PROJECT AN TLAWH

24/08/2010 18:36

Nimin khan Mizoram Journalists’ Association Headquarters hruaituten Serlui ‘B’ Hydel Project a hmunah an tlawh a; chip chiar leh dilchhut takin an fang chhuak vek a, tlawh man hla an ti hle.

Serlui ‘B’ Hydel Project  Rs 17,34,33,000/-  sen tawhna  leh Power MW 12 pe chhuak thei tur hi hnathawh tur za zela 95 zawh tawh a ni a. Beisei dan chuan kumin September thla chhung ngei a hawn tura peih fel hman tum a ni. Serlui ‘B’ Hydel Project ah hian Turbine khawl pathum dah a ni a. Heng khawl Unit khat zel hian Power MW 4 theuh an ti chhuak thei dawn a ni.

Tunah hian Unit No I  khawl hi kumin May 22 ah khan tih nun a ni tawh a, Unit No II khawl hi kumin vek April ni 30 ah khan tih nun niin nitin darkar 8 vel zel tlan tir an ni. Hetih lai hian khawl Unit No III hi peih fel tep niin September thla chhung ngeia zawh hman beisei a ni bawk.

He Serlui ‘B’ Hydel Project Mizoram tana rotling leh chhuanawm tak hi mipuiin kawng hrang hrangin kan chhawr tangkai a nih theih nan Tourism Department lam pawhin a bulhnaiah In mawi tak tak saka zin mite leh thangtharte tan hawi thawvenna tur a tan hmun buatsaih an tum mek a. Dil tuikhuah Km 35 zet a thui leh zau tak hi nakin zelah tangkaina chi hrang hrang a hman an beisei thu Journalist te hian an sawi bawk.

He hmun tlawhnaah hian MJA hruaitute Pu H.Zosangliana, President; Pu Zonunsanga Khiangte Treasurer; Pu R.Lalhmangaihzuala Gen.Secretary leh Secretary te Pu Sangzuala Hmar leh Pu Lalrinmawia Sailo te an kal a. Anmahni tawiiawm tur hian Information & Public Relations Department a tangin Pu Lalsiama Fambawl, Deputy Director leh P&E lam atangin Chief Engineer Pu Guite, SE Ranjit Singh, EE Samuela, EE Lalbiaksanga leh Engineer engemawzat an tel bawk a ni.

An haw pahin DIPRO Kolasib Office ah Kolasib MJA te nen Meeting pawimawh tak neiin Pi Lallianpuii DIPRO Kolasib in zingchaw a lo buatsaih sak hlawm a ni.

Thulakna: DIPR

Comments

Date 24/07/2011
By LR kAWLNI Punjab
Subject Tha th thu

He serlui B hydel project hi atha ka ti em em a,apuitlin nge ph ka beisei,kn sorkar chak tak hi ti hlawhtling ngei turin duhsakna ka hlan e

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E