Mizote leh Saum (Editor Thlalak Thlan)

21/09/2010 21:53

Thlalak: http://zorun.blogspot.com

Saum leh chingal hi Mizo tualto chawhmeh / chawhmeh bawlhlo zinga upa ber pawl a ni awm e.Hmanlai kan pi leh pute hunlai chuan in tinin saum leh chingal an nei thin a, khaihlak chhungkua an lo awm a nih pawhin tlangnel takin thenawmte ta an ban mai thin.Chutianga saum emaw, chingal emaw thenawmte dila an kalin,hman duh tep huna hmanmawh taka dil an nih thin avangin kawngka biang velah an ding mai thin a. Chumi atanga chuan “Ding zum reng ” sawi nan “ Saum dil din / Chingal dil din ” tih hi a lo chhuak ta a ni.Tin, saum hi chingal nena bawl chi a ni a.A pahnih hian neih kawp a ni thin.Nimahsela, mi rethei thenkhatte chuan saum leh chingal hi an nei kawp lo thin a ni awm e. “Thil neihkawp ngei chi neikawp thei lo - pakhat a awm huna pakhat zawk lova pakhat a awm loh huna pakhat awm leh si ” sawi nan “Michhe inah saum leh chingal a intawklawi ” tih a ni thin.

Kan pi leh pute Kristian an lo nih hnu leh hriselna avanga fimkhur vang tein mi thenkhat chuan an ei duh vak tawh lova. Tin, tunlai hian saum bur atan pawh darthlalang um leh plastic um te hman a ni ta bawk.Tunlaiah hetiang hian saum hian hmanlai angin ngainat hlawh vak tawh lo mah se, mi thenkhat tan chuan saum tel lo chuan bai a tui thei lova, saum tel lo chuan an tlei lo a ni. Saum hian Mizo chanchinah thuk takin bu a khuar zel tlat zawng a nih hi!

Malaysia-ah pawh Mizo Christian Fellowship Quarter (Jalan Alore – Bukit Bintang , Kuala Lumpur ) bul hnaia awm Pi Muani chuan Mizo saum ngat asin a zawrh ni!

Hehe...It reminds me of the day I dropped a bottle of 'saum' from 3rd floor to 1st floor – Chinese-pa balcony. The red faced Chinese-pa came and shouted 'What shit is that? '. “It ain't not shit, a tui tui nen.

Thlalak: Zawlbuk Thlalak (Facebook)

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E