Mizote leh "Khua"

16/10/2010 17:12

Thlalak: Henry Vangchhia

Hmasang Mizote kha khaw thar sata kum hnih kum thum dana ram tha leh an  leido khaw dang beihna tur remchang emaw, buh leh bal mirna ram tur ni-a an  rinna ramah emaw ram thar zuanin khaw thar an sat chamchi thin a. Khaw thar  an kaina tur lamah chuan an tawng pawng vawkchaw phul liam ngawt ngai bik lo. An  khaw thar kai tumna-ah chuan pasaltha leh ramchin hriate chu  lal leh upate  ho-in riah buhfai leh arpa-chhiarkhuan  kengin an thawk chhuak hmasa thin. An khaw thar sah tum hmun chu hmun tha  leh remchang a ni em, lal mual kiltute kilna turin hmun a remchang em, tihte  uluk takin a thlithlai hmasa zet a. Chung thilah chuan lungawi thawkhat  mahse, a hmun a hrisel dawn leh dawn  loh hriat theihna turin zan an riak ta a. Zing khawvar lamah an arpa-chhiarkhuan ken kha a khuan hun pangngai bi  thlapa a khuan chuan, "Boruak a thiang thain a hrilsel dawn a ni ang e," an  ti a. Chuta khaw rem chu 'Khua '-in rem a ti niin a ngai thin a, "Khua" an  rem ta thin a ni. An arpa khuang duh tak a khuan loh erawh chuan, "  'Khua '-in rem a ti lo a ni ang e," an ti a, hmun dang an zawng leh mai thin.

A chunga kan sawi ang khian hmanlai kan pi leh pute khan an duh ang  "KHUA"-in rem a ti ni-a an hriatna hmunah remtitu avangin 'Khua '(village) an  din ta thin a ni. Chu chu "Khua (village)" tih tawngkam lo pianchhuahna a ni.

"Khua hi kan pi leh pute khan "thuneitu thil tithei " niin a ngai a , "Khuavang" tiha "Vang" tih hian thlarau lam, ramhuai lam thil a  kawk. "Khuavang" hi  ramhuai lam chi mihring chunga sual em em lo chi, thil  tithei tak a ni a, khuavang mit chu a tungzawngin a awm a, an chhu erawh a  khamphei thung niin pipute chuan an sawi thin. Khuavang hi mipa an nih sawi  a awm lova, hmeichhia vek niin an ngai. Tin, khuavang thikthu chhe tak a ni  a, titi laia khuavang a lo kal chuan, an titi kha khuavang huat zawng a lo nih palh chuan a tha dawn lova. Chuvangin, mihringte veng thintu Puvana  chuan khuavang kal lai chuan titi a titawp thin niin pipute chuan an lo ngai  a, chuta tang chuan titi mur mur laia intiam rual ang hrima a ruala ngawih  thap sawi nan, "khuavang kal lai " tih tawngkam hi a lo piang ta a ni.

"Khuannu/ Khuanuleng " kan tih tak erawh hi chu engkim chunga roreltu "Pathian " kan tih ber hi a ni awm e.

Lehkhabu rawnte:

Tawng Un Hrilhfiahna - James Dokhuma

Mizo Tawng Kalphung - James Dokhuma

Hmanlai Mizo Kalphung - James Dokhuma

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E