MIZOTAWNGIN PAWNGSUAL A TAWK MEK!!!

27/08/2010 16:47

-T.D.Zalawmpuia , Aizawl

MIZOTAWNG/DUHLIAN TAWNG/ENGA kan tih mai hian pawngsual a tawk nasa ta hle a ni. Kan Literature humhalh a nun pum lo hmangral thak tawh tute kha rawn tho leh se, Thangthar nun ning Thasiama ang khan Pialralah min liam san leh zawk ang, a chhan chu Mizotawng mahni tawng ngat pawhin eng mah kan sawifiah hleithei tawh lo a nia, engvangin nge an cham reng peih teh lul ang ni. Mizotawnga Bilble lehlin thar pakhat ka chhiar a, lehlin hmasaa KHANCHHUK ti a dah kha BEAM tiin zu han thlak hmiah mai a maw le. Engkimah kei aiin an thiama an hriatna pawh a sang anga, an thil thlir pawh a thui zawk ngei ang, mahse chan loh khanah Sapui a chhuak zawk ang tih ka hlauhpui a ni. ( Kum 2000 hnulama Mizotawnga lehkhabu chhuah ho hi chik takin chhiar ve ula, tam tak chu Mizotawng an duh tui vak tawh lo a ang khawp mai. An sawi tum an sawifiah chuan tawk an ti hliah hliah mai a ni. Hei hi ziak leh chhiar inzirtirna in a tum ber a ni thei dawn em ni le?)
 

Rawngbawlna a ni a, miin chhandamna an lo hmuh chuan a tawk viau lo em ni? in ti maw. Tawk lah love a, tunlaiah chuan Pathian khawngaihna a zarah thusawitu (speaker) an awm nual tawh a, A ni chu thusawi a thiam, A ni chu thusawi a thiamlo tih tur a pui an tam a, gospel camping buatsaih dawn pawhin duh thlan tur an tam ta hle mai. Mahse an sawi thiam avang khan thlarau bo eng zat nge an chhanchhuah, thlathum daih lek lek fa thahnem tak an hringchhuak tih mai lo chu. Sawi leh hriat thiam theih dan ber tura ziah avanga thlarau bo pahnih khat kan chhanchhuah hi ka sawi sel phal lova, mahse heti zawng hian rawngbawlna hi chu kalpui thei zawk ngat ila chuan, tun ai hian a tlo/daih rei zawk ang. Nunah kristian kan nihna hi lan tir tam thei zawk ila, sawifiah leh ziahfiah tum lutuk ai chuan kan rawngbawlna mei hi a alh zau zawk in ka ring tlat.Miten kan hnung lamah " A sawi tha viau a, mahse a nunah hmuh tur ka hmu lo" an tih zui mai loh nan.

Hruaitute khawngaihna dawng vein kum khat chuang CZZ member ka lo ni ve ta a, hemi chhung hian kawng tam takah hma ka sawn phah em em a, ka Unau/thiante chungah pawh ka lawm tak zet a ni. Mahse kawng khatah ti mai teh ang, ka rual awhna leh tuihalna phuhru tura mawng pawh hung hman lek lova, Mizo literature lama theih tawp chhuah hmuh tur an tlem nge, nge hetah lo hian an lo humhalh viau zawk? CZZ-ah hian tunah chuan member 372-vel kan awmin ka hria a, chung zingah chuan CZZ atanga ka thlirnaah chuan mi pahnih vel chauhin Mizotawng humhalhna kawngah hian theih tawp an chhuah tak meuh a ni tih ka hria a, chuti anih si chuan Zaah pakhat pawh Mizotawng humhalh kan lo awm lo hi a ang dawn riau mai. Nge Tawng dang kan lo humhalh zawk? Literature lamah ka tui an tih a an tuina pholan/hmuh theiha a awm leh si loh chuan tui vak lo nen thuhmun reng an ni.
 

Lehkhathawn ka rawn tarlan fo te hi Mizotawng humhalhna leh Mizotawng hausak zia ka rawn tarlan thiam dan ve mai a ni a, hmangaihna lam emaw lunglohah emaw lak vak chi a ni hran lo, Literature tui tak tak mi chuan ka hmathlir (vision) hi an hmu pha thoin ka ring a. Ngaihnawm taka ziah pawh ka tum lova, bakah ka thiam hek lo. Mizotawng humhalh nan leh inzir chho zelnan a ti mai ka ni.

MIZOTAWNG PAWNGSUAL TAWK MEK HI?

1. I thlir liam mai mai dawn nge?
2. I kalsan dawn nge?
3. I chhanchhuak zawk dawn?

Achhanna chu nangmah a awm kiau e.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E