Mizoramin kum telin leilung hlutna a hloh zel : MIRSAC

12/08/2010 00:36

Satellite thlalak atanga Mizoram leilung dinhmun zirchiangtu Mizoram Remote Sensing Application Centre (MIRSAC) hnuaia scientist-te chuan mithiam dang-te nen an zirchianna atanga a lan dan chuan tlangram lo neih avangin kumtin leilung hlutna a tlahniam zel.

MIRSAC project director Dr.RK Lallianthanga chuan tunhnai khan North East Space Application Centre, Shillong te, National Remote Sensing Centre, Hyderabad leh Space Application Centre, Ahmedabad te nen tanghoin Mizoram tana Remote Sensing hmanga an thil zir pawimawh tak tak report an peihfel tih a sawi.

Zirchianna atanga a lan dan chuan Mizoram zau zawng (Geographical Area) atanga chhutin ram 20.64% a zau chu ram hlutna tlahniam (land degradation) a ni a, 28.18-a zau ram chu ram chhia, hun engemawti hnu-a hman tangkai leh theih a ni.

MIRSAC scientist te hmuh dan chuan kum 2003 khan ram chhia, kum eng-emawzat a vei hnu-a hman leh theih chauh tura ngaih hi Mizoram zau zawng atanga chhuta 21.21 a ni a, tun dinhmun nena khaikhin chuan 6.97% laiin ram chhia (wasteland) hi a pung niin an sawi a. “Mizoramah hian permanent land degration a awm ve vak lo a, temporary land degradation a ni hlawm,” an ti.

Hei bakah hian Mizoram zau zawng atanga tehin 45.57% chu mau hmun a ni mek a, ngawpui 7.29% awmin, ramngaw chhah tha lem lo (open fo-rest) hi 9.71% a awm a, thing lian awm lohna (scrub) ram 24.63% a awm a ni. Mizoram leilung hlutna kum tela tlahniam (land degradation) leh ram hman tlak rih loh (waste land) pung zel te hi tlangram lo neih (shifting cultivation) avanga awm a ni ber a. Tlangram lo neih avang hian kumtin ram 4.74% chu tihchhiat angin MIRSAC zirna chuan a tarlang.

Mizoramah hian phai ramte angin tuiin a luah chin (wet land) hi a tam lo a, Mizoram-a wet land awmte chu luitui leh dilte niin, Mizoram zau zawnga 140 Sq.Km (0.66%) a awh a ni.

Dr. RK Lallianthanga chuan he zirchianna (project) hi thuang 4 - Land Degradation Mapping, Wasteland Mapping, Land Use Land Cover Mapping leh Wideland Inventory & Assesment te niin, he pro-ject-ah hian Mizoram chhunga thawh tur zawng zawng chu MIRSAC scientist ten an thawk a. Sorkar laipui, department of space chuan a hnuaia centre hrang hrangte hi technical support leh an thawhna tura sum mamawh te a tumsak a ni, a ti.

MIRSAC scientist-te chuan satellite thlalak atanga ram leilung zirchiang an nih avangin an zirchianna hi leilung kikawi ang anga khaikhin chi a ni lo tih an sawi a. An thil zir atanga data hrang hrang an siamchhuahte hi Mizoram chhunga department hrang hrang hnenah pechhuakin, department-te hian an hmang tangkai sawt hle tih an sawi bawk.

============

MIRSAC - Mizoram Zirchianna

Mizoram zau zawng (Geographical Area) atanga tehin -
Leilung/ram hlutna tlahniam hi ram 20.64%-a zau a ni

Mizoram puma ram 45.57% chu mau hmun a ni

Ngawpui chhah tha, la tihchingpen loh ram 7.29% a awm

Ramngaw chhah tha lem lo (open forest) 9.71% a awm

Thing lian awm lohna (scrub) ram 24.63% a awm

Lui leh dil ten ram 140 Sq.Km (0.66%) an awh

Tlangram lo neih vangin kumtin ram 4.74% tihchhiat a ni

Thulakna: The Zozam Times

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E