Mizoram sorkarin leiba cheng vbc 3300 chuang a nei mek

21/09/2010 21:49

 

Mi pakhatin cheng sing 3 chuang zel leiba nei

Ziaka chhan chi (un starred question) Congress MLA K.Lianzuala zawhna chhangin chief minister leh finance minister ni bawk Lal Thanhawla chuan, Mizoramin leiba a neih mek chu cheng vbc 3300 chuang a nih thu a sawi a. Heng bakah hian sorkar sum lut leh chhuak atanga sorkar-in a la pek chhuah leh tur la awm chu leiba (other obligations) anga ngaih a ni a, chuta leiba chu March ni 31, 2009 thleng khan cheng nuai 25,423.79 a ni bawk tih finance minister chuan a sawi.

Finance minister chhanna atanga a lan dan chuan state chhunga bank leh thil dang atanga sorkarin leiba a neih hrang hrang hi  cheng nuai 145012.40  a ni a,  Sorkar laipui hnen atanga a leiba hi cheng nuai 56194.40  a ni a. State Provident Fund atanga a leiba hi cheng nuai 122533.96 niin Insuarance leh pension atanga a leiba tlingkhawm hi cheng nuai 6272.85 a ni bawk. Heng zawng zawng atanga leiba hi August ni 31, 2010 thleng khan cheng nuai 330013.61 a tling a ni.

March ni 31, 2009 hmalam zawnga sorkar-in leiba a neih hi cheng nuai 325981.74  a ni a, kum 2009-2010 chhung hian leiba thar (new loans) cheng nuai 47120.10 lak belh leh a ni. Hemi chhung vek hian leiba rulh (repayment) hi cheng nuai 51454.05 a awm bawk.

August ni 31, 2010 thleng khan sorkar chuan loan thar cheng nuai 14723.98 a lak belh leh a, hemi hun chhung vek hian cheng nuai 6358.16 rulh a ni leh a, heti chung hian sorkar leiba chu cheng nuai 330013.61 a la ni ta tho a ni.

Heng figure hrang hrang te hi Accountant General of India in a chhut chhuah te leh Mizoram sorkar, Finance department-in a chhutchhuah te a ni a. Sum ba thar leh rulh hi a awm reng avang leh Accountant General office atangin Civil Account thenkhat hmuh a la nih loh avangin figure thenkhat hi ngaihruat (provisional figure) a ni.

Politician ten an chhut thin dan anga chhut chuan, tuna Mizoram-in leiba a neih mek hi, kum 2001-a Mizorama mihring awm zat 8,88,573 atanga chhutin, naupang atanga puitling thlengin mi pakhatin Rs. 37139.67 leiba nei ang an ni. 

Thulakna: The Zozam Times

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E