Mizoram Open Swimming Zawh Fel A Ni Ta

23/03/2011 22:14

Hero Honda 2nd Mizoram Open Swimming chhampionship chu LAD Picnic Spot, Lawibualah zawhfel a ni ta a, best swimmer mipaah gold 1 leh silver 2 latu Lalnunzira Pachuau, Bungthuam chu thlan a ni a, hmeichhia-ah gold medal pathum latu Lalbiaktluangi Sairang thlan a ni bawk.

Best swimmera-a thlan Lalnunzira Pachuau chuan 50m Backstroke-ah gold medal dawngin 40:50 Secs-ah a hleuh thleng a, 50 m Breastroke-ah silver dawngin 45:42 Secs-ah a hleuh thleng. Silver medal dang a lakna 100m Freestyle-ah 1:25:28 Secs-ah hleuh thlengin medal pathum a hawn a, best swimmer trophy leh certificate, Rs.1000/- keng tel a dawn bawk.

Hmeichhia-ah gold medal pathum zet mai latu Lalbiaktluangi Sairang chuan 50m Freestyle chu 48:32 Secs-ah hleuh thlengin 50m Breastroke chu 1:01:03-ah a hleuh thleng a, 50m Butterfly chu 55:59 Secs-ah a hleuh thleng bawk. A ni pawh hian best swim,er trophy leh certificate bakah Rs.1000 a dawng tel a, category hrang hranga gold medal a lakte nen sumfai engemawzat a dawng a ni.

March 22-23, 2011 chhunga Mizoram Open Swimming Championship-ah hian Mizoram hmun hrang hrang atangin swimmers 71 an tel a, Bungthuam, Hortoky, Bairabi, Sairang bakah Champhai, Tuipui, Lunglei, Kolasib, Lungdai leh Aizawl veng hrang hrang atangin an tel a ni. Final-ah hian Mizoram State Sports Council Secretary Pu Lianzuala chu khuallian a ni.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E