Mizopa Chhuanawmte Hming I Lo Tarlang Ve Thung Ang Aw

29/10/2010 02:17

- Lalkhumsanga

1. Lalliana Mualchin : Kum 1941 August-3 ah Bualpui ah a piang a, a nu Khuangzingi leh a pa Tialsaia te an ni. Bualpui atang Middle School a zawh hnuin Govt. Lunglei High School a zir zawm ta a. Cotton College atang I.Sc Exam First Division ah a pass a, tin, Dhanbad ah Applied Geophysics zir turin 1953 khan a zawm ta a. M.Sc a zawh hnuah U.S.A a St. Louis University ah P.hD a bei chhunzawm leh bawk a ni. Tin, International Conference tam takah Paper Present turin sawmna a dawng nual tawh a, Japan rama University hmingthang, Kyoto University pawhin Visiting Professor atan an sawm tawh bawk. Mizo Christian Global Network (MCGN) group dintu te zingah a tel bawk. Khawvel mithmuha MIzote ti hmingthatu nih a tling hle mai.

2. J.F Laldailova : Ani hi Mizoram Catholic Kohhran dintu Pu Thangphunga fapa niin Chittagong hmuna St. Placid High School ah pawl 8 thleng a zir a ni. Mizo tawng uluk leh a dik hman kawnga mite rilru kaiharhtu ber a tih theih awm e. Kum 1965 vel khan English-Mizo Dictionary a buatsaih a, Mizote tan hnam ro a tling tak zet a ni. Tin, Pu Buanga Dictionary-a tello thumal leh thu hlawm khat sing ruk(60,000) lai mai a hmuchhuak bawk a ni.

3. Prof. Siamkima : Pu Rokhuma leh Pi Huliani te fa niin kum 1938 khan South Lungleng ah khawvel eng a lo hmu ve tan a. Lunglengah leh Lungleiah te Sikul a kai thin a, kum 1959 khan Matric a zo a ni. Kum 1963 ah Imphal atangin B.A(English Honours) a zawh hnuin kum 1968 ah M.A. (English) pawh Gauhati University atangin tha takin a pass. Kum 1975-1977 chhungin America-a Illinois University atang, M.A(English) a pass leh bawk. Tin, thu ziak bih chianna lamah a thawh hlawk thei hle a, mimal kutchhuak zir chian kawngah pawh hmahruaitu a tling hle bawk a ni. Hla thenkhatte a zir a, zau takin a zir a, hnam dang kutchhuakte nen a khaihkhin a. Mizote sulhnu a hniam bik loh zia a tehchhuak thin.

4. Laldenga : Lunglei bial Pukpui khuaah ni 11 June 1927 khan a lo piang a, Serkawn ah Middle School a zo. 1944 ( Indopui II lai) khan Indian Army ah a lut ve a, Burma rama Japan nawr letnaah te pawh a tel ve zar zar tawh. Tin, kum 30 deuhthaw MNF President nihna a chelh. Ani hi Mizo hnam rilru tuhtu, tithangliantu leh khawvel hriat khawpa Mizo hnam chawikangtu a ni a, hriatreng a phu em em a ni.

5. Rev. Zairema : Kum 1917 March 14 khan Champhai bul Hmunhmeltha khuaah a lo piang a, a pa Doliana, zirtirtu a ni. Kum 1931 ah Middle English a zo a, Shillong ah High School zir zawmin 1936 ah Matric chu First Division ah a pass. Gauhati atang B.Sc (Honours) a pass leh a, Mizo zinga hmasa ber a ni. Serampore College atangin B.D pawh First-Class ah a zo leh a, Mizo zinga hmasa ber a nih bakah Serampore Record a break hial a ni. Grik tawng leh Hebrai tawng te a thiam tha hle a, Thuthlunghlui letlingtu zingah 1955 thleng a tel. Kohhran leh ram tana a hnathawh pawimawh leh tih that avangin Serampore College chuan kum 1988 khan D.D degree a hlan a, 1991 khan N.E.H.U chuan D.Litt in a chawimawi bawk .

Genius teh fung leh teh dan te a inang lo thei hle. Tehfung thenkhatte tarlan han tum leh ila;

1. Hma hun thlir thiamna nei mi: Genius kan tih te hian vision tha tak tak an nei vek awm e. Tichuan, idea thar lam tak tak te nen theory tha tak tak te duang chhuakin an tum ram chu an pan fan fan mai thin a ni..

2. Mahni inpumpek na: Genius te hi an hnathawh ah te an inpumpek tawp thin a ni. ( an atchilh tawp)

3. Harsatna hmachhawn thiam mi: Problems-solving skills ah an sang hle bawk.Theories or mathematical laws tharte an duang chhuak zung zung thei tlat bawk. Mi pangngaite buai tluk tluk na ah an buai ve mai mai ngai lo.

 4. Hun vawng thiam mi: Genius te hian hun vawn dan(time management) an thiam hle bawk.

5.Taihmakna: “Peihna leh hnathawh tello chuan eng anga thluak tha tawk pawh ni raw sek sek, a sawt chuang lo tlat. Genius te hian in anna an nei tlat. Hna an thawk rim thei hle. ( work extremely hard).

6. Huaisenna: Genius te hi an huaisen a, an thil hriat chian-ah thih thleng rak in an tang ngam tlat, mi nuihza bur nih an hlau ve mai mai lo.

7. Ti fan fan peih mi: Tih tang tang emaw tih fan fan na emaw tello hian genius kan neih a rinawm loh tlat. Thomas Edison ngei pawh kha vawi 1000 chuang a try hnuah chauh a ni, electric bulb a siam chhuah chauh ni.

Tunlai khawvel mithiam ten an in debate tluk tluk chu  Genius-te hian an genius-na hi an pianpui reng nge , an zirchhuah? tih hi a ni. Mi tam zawk chuan genius-na hi pianpui a ni an ti ngei ang. Mahse, genius-na hi a inzir chhuah theih a ni, ka ti ve duh tlat. A chhan chu, Tamil Nadu-ah lehkha zirin kan awm a, kan zirpui Tamil mite hi Maths ah an thiam thei hle a, class-a thiam lo ber pawh hian Maths ah chuan a full-mark pap pap ve thei tlat mai. An tette atang rengin an inzirtirna in a zir tlat, kan ti lo thei lo. Chuvang chuan, in zirtir chhoh dan a zirin genius a lo nih chhoh ve theih a. Pian tirh atang renga genius te leh mahni inzir chho a genius rawn ni ta te hi an danglam em? Hnai lo e! Genius theuh theuh te chu.

Awle, ka thian, thlang sap pui val kan ngai billo, thlang kawrvai val te aiin kan hniam bik lo. Kan mizo zingah ngei pawh genius kan nei nual tawh a, kan la nei zel dawn tih ka ring tlat bawk a ni. Amaherawh chu, Mizote genius nei chho zel tur chuan nang leh keia kovah a innghat ta tlat mai. Thluak tha neih mai a tawk lo tlat. Pathian-ina min pek, thiamna leh finna te hmang chhuak turin vision tha tak nen, mahni inpumpek a, tang fan fan zel chungin huaisen takin ram leh hnam tan i ti zel ang aw.

References: Zoram Tinreng Bu, www.supernaturalminds.com
Page 1, 2, 3 

Thulakna: Zawlbuk.net

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E