Mizona (Mizoness)

25/08/2010 21:38

Mizo zingah inrem lohn leh in ngeih lohna kawng awm thin mahse, miin vanduaina an tawh chuan, rang takin an in puibawm leh zel thin a ni.

Mizote chu mahni chanchin inhawng takin an in hrilh mai thin a.  Mi tumah hlauhawmah an in ngailo a ni.  Hnam dang zingah chuan chanchin an in hrilh ngai lova, in zawh pawh thianglo ang mai a ni.

Mizo zingah mifate leh an fate inkarah buaina a awm chuan, mani fate hnenah "mifate engah nge i tihbuai, tha takin va ti la, tumahin an buai lovang che" tiin mahni fate an zilh thin a.  Hnamdangte chuan chutianga an tih chuan "you let me down" an ti a.  An thiam emaw thiam lo emaw, midang te kha an mawhchhiat thin a ni. Mizo zingah chuan, aia upa zahna nasa tak a awm a. Thu leh hla kawng tinrengah, hnial leh kalh chiah pawh ngaih an ni lo. Chutiang dan chu hnamdang zingah a awm ve lem lo.  Faten an nu leh pa ro an khawm hi, Mizo kalphung a ni a, lekha ziak pawh a tul lo.  Hnamdang zingah chuan a ni ve lem lo.

Mizo te chu chhungril taka in vuan tlat an nih avangin innelna leh in hriat thiamna a thuk em em a.  Dan naranin mitin tih theih hian in rin ngamna an nei a.  An zingah rin tlakloh an lo awm a ni chuan, rang takin mitinin an hre mai thin a ni.  Hmel hriat ni kher lo mahse, Mizo te chu khawi hmunah pawh an in pan vang vang ngam a ni.  Sawi lawk lo pawhin kawngkhar an in kik sak ngam a a. Chanchin in zawt in an in hrilh fai hle thin a ni.

Midang lungngaihna leh manganna neite kiang an hnaih nghal thin a.  Khawvel hnam tenau leh rethei leh changkanglo te zingah tel mahse, Mizo nih hi a hrechiangtu apiang an lawm thin a ni.

Thulakna: www.mizosocietyofamerica.org

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E