Mizo Zingah Corruption
- Rev.Dr.Zairema
Mizo zingah Independence atang khan corruption hi a hluarin ka hria. Sawrkar thar chuan hma kan sawn duhsakin ar vulh tanpuina te min pe a. A endiktu turte an lo kal dawn chuan thenawmte ar hawh khawm nachang kan hria a, pawisa semtute lahin ‘10% min pek chuan chute zat i hmu ang’ te min ti a. Kan aw a. UT kan nih khan Synod General Secretary ka ni a. Kohhran ka tlawh a. Khaw pakhatah vaihlo ka lei a, a neitu chuan, ‘Quital khat lei la, kg-ah cheng khat ka hniam ang che’ a ti a. In ka thlen chuan a laiah an chil hlim ni tur hi an lo phum teuh mai a. Min bumtu chu ka khawngaih hle, Kohhran pawh kan hlawhchham niin ka hria a, na ka ti hle.
Sap sipai raltlan riltamin Jorhat-ah khuan a bua balhla zawrh an hmu a, an ei ta mawlh mawlh a. A man hmuh loh hlauin a neitu pawh chuan a ei ve ta sawk sawk a. Kan sawrkar Department zawng zawng hi an intiamsiak emaw ni sawrkar sum ei hek thiamah an inel emaw tih tur a ni. A neitua kan ngaihho lah min ei zawh khalh ang tih hlau ni awmin an che a. Mipui lah kan hlawkna turah chuan dawt kan hreh lo.
A then Pulpit-ah leh Chanchinbuah tang ila, a then tawngtai ila, a taima deuhin taima takin chhui ila, FIR te, PIL te theh lut ila, a reltuten huai takin dan ang thlapin rel thuai se, kan phek tan a ngai ta a nih hi!!!
Thulakna: Thukhawchang Mi Pekte Hi by Rev.Zairema
