Mizo Writers Association Buatsaih Proficiency Award Sem

19/11/2010 18:23

Vawiin chhun khan Archive Hall, Babutlang-ah Mizo Writers Association buatsaihin Proficiency Award sem a ni a, he hun hi Art & Culture Minister Pu PC Zoram Sangliana’n hmanpuiin award te hi a dawngtu te hnenah a hlan nghal bawk a ni.

MWA hian kum 2008 atang khan kum tin MBSE hnuaia HSLC leh HSSLC examination bakah Mizoram University hnuaia B.A. Mizo Honours leh M.A. Mizo-a pakhatna ni apiangte hnenah a hlan thin a, award hian tangkafai cheng sang nga leh lawmpuina thuziak (citation) a keng tel a ni.

HSLC-a Mizo subject-a ti tha ber lawmman Ch. Pasena Prize dawngtu chu J.C. Laltharmawia s/o C.Lalduhawma niin St. Lawrence School atangin HSLC a pass a ni a, HSSLC-a Mizo subject-a mark hmu sang ber lawmman Lalmama Prize dawngtu chu Zirsangzeli d/o RB Hnuna, Piler a ni a, a ni hian Class XII Science stream atang he dinhmun hi a thleng a ni.

B.A. Mizo Honours-a pass te zinga mark hmu sang ber lawmman R.Buchhawna Prize chu P.C.Zorinmawia s/o P.C. Lawmkima, College Veng Aizawl niin ani hian Pachhunga University atang B.A.(Mizo Hons.) hi a zo a ni. kumin 2010 M.A Mizo subject result chhuak ta a mark hmu sang ber chu F.Lalsangliana s/o F.Lalthantluanga, Lunglawn a ni a, a ni hian J. Malsawma Prize a dawng a ni.

Vawiina lawmman hrang hranga in a ken tangka fai Rs. 5000/- theuh hi a Prize hming putu fa ten an thawh a ni. Vawiina Proficiency Prize sem rual hian Mizo Writers Association hian kum 2009 chhunga tawng dang atanga Mizo tawnga lehlin lehkhabu tha bera puan tak “NUN KAWNG THA BER” tih letlingtu Vanneihtluanga leh Melvin Vanlalhlimpuia te hnenah Translation Award 2009 a hlan nghal bawk a ni.

 Thulakna: DIPR

Comments

Date 05/09/2011
By Lalrinchhana.hmar
Subject My poem

Van sanah khian thla neiin leng thiam teh ila aw,muanna in chu ka bel kumkhua mai tur,chutah chuan lunglen zai sa ka ka bang ang a,hmangaihna der avanga ka tah poh ka bang toh mai tur!
Sirva ang te hian thla khawg in leng thiam teh ila aw,engthawlna in chu ka pan mai tur,chutah chuan phuloh ka ngaihlai ka bang ang a,romei ang khian ka zamral mai tur!
Romei ang te hian zam thei teh ila aw!hlimna in chu panin ka zam mai tur,chutah mi u ka auh ka bang anga.tlangtin bawmin ka zam mai tur a!

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E