MIZO TAWNG DIK HMAN DAN ZIRHO

09/09/2010 19:05

Vawiin khan Art & Culture Minister Pu P.C. Zoram Sangliana chuan  Mizo Tawng Dik Hman Dan chungchang zirho na hun (Symposium)  Archives Hall, Babutlang-ah  a hmanpui. He Symposium hi Tribal Research Institute, Art & Culture leh Mizoram Journalist Association te buatsaih a ni a, tualchhung chanchinbumi te leh thu leh hla lam a tui mi engemawzat an kalkhawm a ni. Minister hian lehkhabu pahnih “Changing Position of Mizo Women” tih leh “Mizo Lam Thenkhatte”, Tribal Research Institute buatsaih chu a tlangzarh nghal bawk a ni.

Pu PC Zoram Sangliana chuan mihring khawsak phung leh thiamna a san chak ang bawkin tawng pawh a danglam chak a, chuvangin tawng mawi leh hman dan dik humhalh tur chuan chanchinbu leh TV hmanga  thu thehdarhtute an pawimawh em em a ni, a ti a. Kalkhawmte chuan tangkai tak a hun an hman a duhsak thu leh Mizoram Journalist-te thahnemngaihna zara  tawng mawi leh dik humhalh leh tihhmasawn pawimawh zia Mizo mipuiten an lo hriat chhuah ngei a beisei thu Minister chuan a sawi a ni.

Art & Culture Jt. Director Pu Ngurbiaka’n chawhma lam hun hi a kaihruai a. “Mizo Tawng Dik Hman Dan (Print Media)-ah” tih thupui hmanga Vanglaini Editor Pu K Sapdanga thuziak leh Synod Higher Secondary School Principal Pu Rozama Chawngthu in paper a buatsaih, “Mizo Tawng Dik Hman Dan (Electronic Media)-ah” tih chu ngaihthlak a ni a. Mizoram University Reader Dr. R.L. Thanmawia kaihhruaiin chawhnu lamah sawihona hun an hmang zui  a ni.- DIPR

 

................

Art & Culture department hnuaia Tribal Research Institute leh Mizoram Journalists’ Association tangkawp buatsaihin Archive Hall, Babutlang-ah print & electronic media-a thawkte pualin vawiin khan ‘Mizo tawng dik hman dan’ tih thupui sawiho a ni a, Vanglaini editor, K Sapdanga leh Rozama Chawngthu, Synod HSS principal-te thuziak ngaihthlak leh sawiho a nih bakah zawhna leh chhanna hun hman a ni. He symposium-ah hian sorkarin tawng chungchanga thuneihna neia hmalatu tur Language Board din se tia rawt a ni.

Sawihona kaihruaitu Dr.RL Thanmawia chuan, tawng chungchanga thuneihna nei din rawt chungchangah, a taka hma la thei tur Language Board din tura Mizo Academy of Letters in sorkarah ngenna a thlen thin thu te, din a nih mai loh avangin MAL chuan thahnemngaihna avanga Language Board a din thu a sawi.

Hemi hnu hian Mizoram Board of School Education chuan Language Board dinin, a dintu MBSE chu school lam zirlaibu-a thuneitu a nih avangin zirlaibu-a tawng ziak danah pawh Board thutlukna anga kalpui a nih thu te a sawi a. Mahse, Assembly House-ah dan puitlinga pawm a nih loh avangin hnathawh tak tak erawh a harsa a ni, a ti.

Chhuanliana, Bethlehem Vengthlang pawhin, MBSE hnuaia Language Board din hi kum 2009 chhung in vawikhatmah an thutkhawm loh thu leh, a zuihral mai a hlauhthawn thu a sawi a. Sawihona tlangpuiah chuan awmna hmun inan loh avangin tawng hman dan leh a thluk a inan loh fo thu te, thlukna chhinchhiahna mumal tak siam a tul thu te, a chhan leh vang dap chiam chiam a tul ber lo tihte chu sawi lansarh zinga mi a ni.

He inkhawm hmanpuitu PC Zoram Sangliana chuan, mihring khawsak phung leh thiamna a san chak ang bawkin tawng pawh a danglam chak tih a sawi a. Tawng mawi leh hman dan dik humhalh kawngah chanchinbu leh TV hmanga thu thehdarhtute an pawimawh hle tih a sawi bawk.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E