Mizo Sex Video zinga 62.85% mahni duhthu-a siam :Survey

26/08/2010 17:55

Mizo sex video hriat chian 70 zirchianna atanga a lan danin 62.85 % te chuan anmahni duh thu renga an inlak a ni a, 37.14% chuan an khawsak dun laiin mipa-in thla a la a ni tih hmeichhiaten an hre lo.

Mizoram Synod, Social Front buatsaihin vawiin khan sex video leh zahmawh rawngkai hluar zel chhan chungchang zirho a ni a. He zirhona-ah hian Vanlalrema Vantawl, Editor, Zalen leh Laltlansangi Fanai, Master in Criminology te zirchianna paper chu zirho niin, zirchianna atanga a lan danin Mizo sex video zing-ah hian pawngsuala chhal ngam 6 a awm niin an sawi.

Zirchiangtuten nawhchizuar 36 an kawm zinga 16.66 % chu part time a inzuar niin, tum khata Rs 2000-3000 in an dawr thin a, 83.34% chuan eizawnnan tak tak an hmang a, phone hmanga koh chhuah theih niin, vawi khat kawm manah Rs 500 an in-chhiar tlangpui thin.

Kristian thalaite ngaihdan lakah chuan 83% in Mizo thalaite chu sex-ah an inhmang nasa hle niin an hria a, 56 % in sex a thalaite hruai luttu chu information technology hmasawnna vang-ah an ngai a, 60% in zu leh drugs chu sex a thalaite hruai luttuah an ngai bawk.

C. Lalramzauva, Advocate chuan, ‘Mipat hmeichhiatna leh saruak thlalak chungchang leh dan inkaihhnawih dan’ tih chungchang a sawi a.Dr Robert S. Halliday, Coordinator, Synod Social Front chuan, ' Aizawl thalaite zinga sex hluar dan chhui-chianna’ chungchang a sawi bawk.

He Seminar, Synod Conference Centre-a neihah hian khawpui chhung KTP aiawh mi 98, kohhran aiawh mi 106 leh sawm bik mi 38 an tel a ni.

Thulakna: The Zozam Times

 

 

Comments

Date 30/09/2011
By Weedy
Subject Thatna lama khamkhawp hmu in ti,sualna lama tamchhawl zoram

Chhorpial run ti a kan lo uanpui thin kan zoram chu kal ngaihna hre l in a awn ruai ruai ta a engtik ah tak tlu sawp ang maw tiin a mipui nawlpui lah hian kan thlir thup si. Ram dang ah missionary tamtak kan tircuak a thlarau bo tamtak pawh chhandam an ni nameuh mai. Mahse kan ram ber a dam si loh chuan engtin nge rilru dam a rawng kan bawl theih ang,i ngaihtuah tlang teng u,heng kan tlangsanna hre ve tawk tawh ni a kan inngaihna te hi paihthla ila saiip puan sin in nun ah i lantir zawk ang u. Ni e,kan zoram thalai te hi lamtluang veilam a an herliam zawh hma hian,heng an tuina, games,music ah te hian nasa leh zual zawk in i promote teng u.

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E