Mizo quota ngaihthahah Larsap puh

19/08/2010 16:53

MZP chuan, Mizoram Governor chu an ngenna ngaihthahah an puh.
Union Home Ministry-in Indo-Tibetan Border Police Force (con­stable/general duty) a lak tura advertisement-a chhuah ah, Mizoram tana quota siam ve a nih theih nan MZP hian Larsap hi an ngen tawh a, tun thlenga a la hlawhtlin loh avangin, an ngenna hi Governor-in a ngaihthahah an ngai.

MZP chuan thuchhuah siamin, India rama state dang zawng leh UT ten ITBPF lak turah quota an neih vek laia Mizoramin a ve lo chu pawi an tih thu an tarlang a; hei hi sorkar laipuiin Mizoram a thlauhthlak bikzia lantirnaa an ngaih thu sawiin, "India rama state a tih zingah Ministry of Home Affairs hian Mizoram hi a paih ta em ni, tih hi MZP zawhna a ni," an ti.


ITBPF lak turah hian, July 26, 2010 khan chanchinbu-ah advertisement tihchhuah a ni a, hnaruak zawng zawng chu 850 niin, SC tan 130, ST tan 83, OBC tan 178 leh General tan 459 a ni. Dilna thehluh hun hnuhnung chu September 22, 2010 a ni a, hmun kilkhawra mite tan chuan September 29, 2010 a ni.

MZP sawi danin, ITBPF lak tura Mizoram quota siam a nih ve loh chungchang hi MZP chuan July 27 khan Governor hrilhin, dilna thehluh hun ral hma ngeia Mizote tan quota anga dil ve theih tura advertisement siamthat a nih theih nan hma la turin Governor chu an ngen a; mahse tun thlengin MZP ngenna hi tihhlawhtlin a la ni lo.

ITBPF lâk tura Mizoram quota siam a nih ve loh chungchang hi dilna theh luh hun tàwp hma ngeiin India President leh Union Home Minister hnenah hma la tura ngenna an thlen dawn thu MZP chuan an sawi a; Mizoramin quota a neih ve loh an demzia lantir nan advertisement chu hâl an tum thu an sawi.

Thulakna: Vanglaini

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E