MIZO LALRAM COMPENSATION QUAVADIS ?

02/09/2010 16:53

-Lalrengpuia Sailo       

        Mizo Lalram Conpensation hi thu kallai mek a ni a, lo sawi ve vak chu ka tum lova, ramluah man erawh chu tlemte ka’n sawi ve ang a, hma lak nghal pawh atul zia kan hmu ang.

        Vanglaini Chanchin Bu Dt 27th March, 2007 Zirtawpni a chhuak, phek 4 na a Pu Rualkhuma Hmar, Dan lam thiammi thu ziak “Lalram Compensation” tih a ziah kha, Mizo Chief Council a mi te’n emaw, Lalna chhuhsak zing ami, tuemaw talin an rawn sawi zawm ka lo beisei tehlul nen, thla sawm lai liam hnuah pawh a reh tak siah chuan, sawizawm loh theih loh anih si avangin, kei tehlul hian tlemte ka’n sawi ve ang e.

        A hmasain, sawi ve tur ka nihna chu, Zopui lal, Thlanrawn dotu tupa Aizawl lal Lalsavunga tupa Vanhnuailiana, Tualte vanglai lal, Champhai lal tupa Kaihranga, Zaingen, Khualen lal kha ka pa a ni a, ka pa chu, Mizo lalna chhuhsak luih anih hma Kum 1946-ah Kum 82 mi niin a boral tawh a. Ka u mipa pali te (1) Saithuama, Murlen leh Hnahlan  lal (2) Lalmakthanga, Zaingen leh Thiak lal, (3) Laltuma, Kawlkulh (4) Lalinpuia te an boral tawh a, tunah hian Hmeichhia pahnih nen pathum kan la dam ani.

        Mizo ten thlang kan tlak hma daih atangin Mizo te hi LAL nei hnam kan ni a. Chhuahlawmate chhung chu lalah an tang a, Fathang an chhun sak a, anni chhungin an lal ram chhung chu, mi kawlh sakawlh lakah an hum him a, ro an rel a, Chhuahlawma chuan a fapa Zahmuaka chu a aiawh turin a ti a, ani chuan RUN LUI a rawn kan thlak pui a, Run leh TIAU LUI inkarah reitak an awm a, chumi hnuah TIAU lui an rawn kan thla leh a, Tiau lui leh Langkaih lui inkar chu thi leh thau pawlhin an hum him zui ta zel a ni.

        INDIA –in Mizote Lalram min hnehchhuh a, min awp beh hma zawngin, tu thu hnuaiah mah kan awm ngai lo va, Thlanrawn hnam-te leh min pawng nek tum-tu-te chu an do va, tam tak an thih phah a, tam tak an that ve bawk a. Hetianga hnam humhalhna-a an chet dan hi thenkhat chuan mi lu la hnam ang hiala sawite pawh an awm a. Mahse, kan lal ten Ram leh Hnam humhalhna atana an nunna thapa an khua leh tuite nen an hma lakna a ni.

        Mizo lal ten ram leh hnam an humhalhna a thil thleng thenkhat han sawi ila, Thlanrawn hnam ten Mizo an tiduhdah em em thin a, an run fo va, an rohlu –Thi leh Dar te, Saingho leh an Sialte thlengin an chhuhsak a, an ui ngam si lo va, an phal loh chuan an sat zel mai si a. Hla-ah pawh ‘ I lal lua e Phunthanga, khua tinah chhiah I lawr e Sat mai zel a aw e’ tih te…. ‘ Ka Changsialin Tiau lui dung rawn zui, Luaithli kan nul’ an ti vawng vawng mai thin a. Zopui lal Lallula chuan a tuar thei ta ngang lo va, a khua leh khaw thenawmte a rawn a, do let an remti tlang ta a. An khua Zopuiah an chah khawm chiam a, an that teuh va, chuta tang chuan ZOPUI khua chu Samthang khua tih a ni ta a ni. Thlanrawn Lal leh khawchhak lalte chu an tawmim tan ta a, Mizote chu Zuam mai mai chi an ni ta lova ngaiin,   rawlral
chuan an la che zui ta fo va. Lallulate pawh inthlahdah chuang lovin an pasaltha-te nen ram venhim hna an thawk reng tho va. A thu rochhiah angin, a tu leh fate leh unau anga a en Rorehlovate chu Tiau hrut khaw hrang hrangah a tlar a, chung zinga thenkhat Lal Kairuma leh a thlahte chu Biate ah, chhimchhakah an lal a, hmarlam Kelkang leh Murlen/Hnahlanah Dothiauva leh a thlah te an lal a. Diltlangah Liankhama leh a thlahte an lal a, Champhaiah Vanhnuailiana a lal a, Tiau chhak lam ralte chu Luipui kan thlak an phal lo va, an veng tlat a ni.

        Heng bak pawh sawi tur a la tam na a, duhtawk rih ila, Vanhnuailiana Tualte vanglai Lalin Hmar lama an ral beih dan te, Tinghmun khaw bula an ramlak chhinchhiahna raw phun, tun thlenga la awm te, Sailam leh Thenzawl/Serchhip Lal Bengkhuaia ten phai vai lo lian tur /lo pawng tur danna atana Katlichera leh Alexandrapore vel a Mary Winchester an hawn thu te, Vailian dan nana Changsil bul inkahnaa Taitesena thih thu te, Sentlang inkahnaa Sentlang khaw halt e chu sawi tawh lo mai ila, Mizote Mizoa kan din chhuah theihna atana an thawh tam tak avangin tun dinhmun hi kan thleng a, tawng khat kan hmang a, sakhaw khat bia, ram bungkhat ramri chin nei fel (tun hma kan ram tiat lo mahse) lungrual tlang leh inhmangaih tlang taka awm kan nihte pawh hi an hma lakna rah a ni kan ti lo thei lo vang.

        Mizo Lalte han tih hian, Sailo Lal leh Sailo ni lo, Lal khaw hrang hrangah an awm a, khua zawng zawng hi lal ten an awp kim vek a, tun hma chuan ‘ Khawi khua nge i nih’ ? tih nilovin ‘Tu khua nge i nih ?’ tih a ni thin a ni.

        Kan sawi tak ang khian, Mizo Lalram chu a chiang,amaherawh chu British Sorkar a lo lian a, kan lal te nen inremna an siam atang khan Bristish rorelna hnuai ah chieftainship chu min tih tlemsak ta a,buhchhun fathang rorelna pawh pangngai in lal leh khawnbawl ten an la rel zel a,kan lal ram chin ah chuan a nei tu kan la ni theuh zel a ni.

        British Sorkar lak ah India a lo indan khan kan lalna chu min chhuh luih sak ta a,kan buhchhun ei thin min tih tawp sakin buhchhun aiah Compensation tlemte chauh pe turin min ti a.Amaherawhchu kan lalram man hi engmah,naiakhatmah hi min pe lo.Chuvangin India Sorkarhian kan lalram min pe leta nih loh chuan kan ram man hi pe letngai tur ani.Lalram han tih hian lalram chu Mizo te chhenna a ni a,vai ram a la ni chuang lo.

        India leh an aiawhtute hian kan lalte hnenah ram an pe let tur a ni. An pe let leh a nih loh chuan, an chinfel thuai hi a tul a ni. India hnuaia Assam awpa Mizoram a awm lai khan, Assam State khan Ram Compensation hi a lo la in lal ho a lo thlim daih tawh zawk em ni ?  COMPENSATION QUAVADIS !

Thulakna: http://senhri-td.blogspot.com

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E