Mizo Inneih & Thuamchhawm Sawihona Nei

19/05/2011 15:48

North East Zone Cultural Centre (NEZCC), Dimapur leh Mizoram sorkara Art & Culture Department tangkawpin vawiin khan Chanmari YMA Hall-ah ‘Seminar on Marriage & Dowry in Mizo Society’ buatsaih a ni a, Art & Culture Pu P.C.Zoramsangliana-in Seminar a hawng. Thalai themthiamna bik nei leh hlawhtling thlanchhuahte hnenah NEZCC bultum ‘Young Talented Artistes Award 2010’ hlan a ni bawk.

Seminar hawngtu Pu P.C.Zoramsangliana chuan hmanlai atanga tun thlenga ram mipuite tibuai em em tu inneih thuamchhawm hi Mizote hian harsat nan leh phurritah kan nei ve reng em, ‘dowry’ tih hming vuah si lo hian kan lo manganpui tawh reng em tih ngaihtuahhova zirchian a tul hle a; Mizo hnam dan leh kalphung hria leh zir miten vawiina Seminar-ah Mizo hnam pumpuiina kan hlawkpui tur thil leh rawtna an siam chhuah ngei a beisei thu a sawi a. Minister hian NEZCC Young Talented Artiste Award 2010 chu mi 4 hnenah a hlan nghal a, chungte chu - 1). Lalremruata Ralte, Luangmual (lemziak thiam), 2). C.Lalenkawla, Hnam Chhantu (hnang tah), 3). Lalhruaitluanga, Upper Republic (thing ker) leh 4). David Lalrindika, Ramhlun ‘N’ (tualchher rimawi) te an ni a. He Award hian Citation bakah Cheng sing khat a keng tel a ni.

Vawiin Seminar hi Pu R. Hmingthanzuala, Dy. Director, Art & Culture Department in a kaihruai a. Kum 1950 hmalama Mizo inneih leh thuamchhawm chungchang Pu C. Chhuanvawra’n a sawi a, kum 1950 hnulam leh vawiin thlenga Mizo inneih leh a kaihhnawih chungchang Pi Lalnipuii in a sawi ve thung a ni.

Thulakna: DIPR

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E