Minister leh PS te zinna senso Rs. 27,32,246

18/08/2010 15:43

Kum 2009 atanga nimin thlenga Secretariat Administration Department-in Ministers leh Parliamentary Secretary-te Mizoram pawna official-a an zinna senso a chhinchhiah zat chu Rs. 27,32,246 a ni. Free travel leh damlohna thila an zinna tarlan tel a ni lo.

RTI Act hmanga Vanglainiin a endikna atanga a lan danin, Minister leh Parliamentary Secretary-te zingah Transport Minister PC Zoram Sangliana'n official thila zinna atan a hmang hnem ber a, Rs. 5,09,497 hmangin, vawi 13 a zin. Hmang tlem ber Parliamentary Secretary S Laldingliana chuan Rs. 13,172 hmangin vawi khat a zin.

Home Minister R Lalzirliana chu vawi thum zinin Rs. 26,278 a hmang a, Agriculture Minister H Liansailova chu vawi li zinin Rs. 1,29,357 a hmang. PHE Minister S Hiato chu vawi nga zinin Rs. 1,23,290 a hmang a; Revenue Minister JH Rothuama'n vawi thum zinna atan Rs. 212189 hmangin, Education Minister Lalsawta chuan vawi 12 zin nan Rs. 2,88,022 a hmang.

Supply Minister H Rohluna'n Rs. 82,617 a hmangin, vawi nga a zin a, Health Minister Lalrinliana Sailo chuan vawi riat zinna atan Rs. 2,308,77 a hmang. Sport Minister Zodintluanga chu Rs. 3,82,045 hmangin vawi sarih a zin a; Vety Minister Nihar Kanti chuan vawi hnih zinna atan Rs. 1,10,298 a hmang a, LAD Minister PC Lalthanliana chu vawi li zinin Rs. 1,43,610 a hmang a ni.

Parliamentary Secretary zingah Lal Thanzara chuan vawi ruk zinna atan Rs. 2,23,955 a hmang. Lalrinmawia Ralte chuan vawi khat zinna atan Rs. 29,665 hmangin; KS Thanga chu vawi hnih a zin a, Rs. 88,723 a hmang ral. H Zothangliana'n vawi li zinna atan Rs. 75,700 hmangin, Chawngtinthanga chuan Rs. 62,951 hmang ralin, vawi thum a zin a ni.

Thulakna: Vanglaini

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E