Minister-in MZP-te A Fak

01/05/2010 00:45

Transport Minister Pu P C Zoramsangliana chuan nimin khan Kolasib Diakkawn YMA hall-ah Mizo Zirlai Pawl Kolasib Hqrs. Conference a hmanpui a.Thuchah sawiinMZP ten huaisen taka ram rawngbawl kawnga hna thawka dik lo leh fel lo lai siamthaa hna an thawk thin chu fakawm a tih thu a sawi.

Minister chuan,"MZP-in chang a rel sual ngai lo," tiin huaisentaka ke an pen \hin hi an fakawm hle a ni, a ti a. Amah ngei pawh MZP-a a mikhual loh thu a sawi. Zirlai kal khawmte chu tihtakzeta lehkha zir fo tura fuihin, tunlai khawvelah Hindi thiam a pawimawh hle a ni tih hre turin a chah a, India ram hmun hrang hranga hna thawk turin Hindi thiam a pawimawh takzet a ni, a ti. Pu Ramsanga chuan, "Kan Mizo hnam zia leh lamte uar taka kan vawn nun a ngai a.Tun hnai maia Cheraw lama Mizoten world record kan siam kha khawvelin Mizote min hmelhriatna tha tak a ni", a ti.

He MZP Conference-ah hian Kolasib District chhunga HSLC Exam-a titha zual mi 10-te hnenah Minister chuan chawimawina certificate a hlan.

MZP Conference hi Pu H. Lalhruaitluanga, Ex. Secy Hqrs chuan a kaihruai a, Pu V.L. Kroshnehzova, President, MZP Gen Hqrs. he huna khual zahawm chuan thu a sawi bawk. Pu Ramsanga hian nimin piah lam khan Kolasib khaw chhung veng hrang hrangte tlawhin thlipui leh rialin in a tihchhiat te a hmunah a enfiah a. Khawtlang hruaitute chu chhawmdawlna chungchang sawipuiin sawrkarin hemi atan hian ruahmanna fel tak a siam tawh thu a hrilh a. Kolasib District tan bik cheng nuai 37 dah a nih thu leh a tul zuala hman atan Silpauline pawh 400 D.C. kuta dah a nih thu a sawi bawk a, chhiatna tawkte a tawrhpui takzet tih a sawi bawk.

 

Thulakna: Mizo Aw

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E