Malaysia-ah Mizo Chapchar Kut Ropui Takin An Lawm

28/03/2011 03:38

Malaysia-ah Mizo Chapchar Kut Kan Che E

Min en r’u, tlangin kan mawi emaw,

Kutpui lawmin, lenlai kan chen leh e;

Ban vai mawi Zo rual chu aw keimahni.

Vau thla ni 27, 2011 khan a vawi khatna atan, Malaysia Mizo Christian Fellowship bultumin Chapchar Kut hlim tak leh thianghlim takin an hmang.

An hmanna BC Shalom Hall, Kuala Lumpur leng lo khawp-Malaysia hmun hrang hrang atanga kal khawm Mizo 450 velin, manhla titakin Mizo Kut ropui Chapchar Kut an hmang a, Mizo nunphung leh ziarang lanna kan kut ropui hi tun tum aia ropui leh nasa zawka hman zel theih an inbeisei.

Kan hman dan tlangpui:

Kut pa – Pu Hualsailova’n Kut a hawng a, Chapchar Kut lo chhuah dan leh Mizo nun nen a inkaih dan chanchin a sawi a, Pu Lalsanga’n darkhuang tumin hlado an chham. Mipui kan zavaia dingin “Ro Min Rel Sak Ang Che” (-Rokunga hla) tui takin an sa.

MCF Pastor - Rev. Gospel Hrilvelthanga’n Pathian hnenah Chapchar Kut a hlan a, MCF zaipawlin “Par Mawi Thang Vulna” (-Liandala hla) an rem.

Lalchhanhima’n pi pute thu rochhiah/ Mizo thufing thlanchhuah a chhiar chhuak.

Rauta leh Estheri(naupang) ten hmanlai Mizo mipa leh hmeichhe inchei dan an  entir.

Mizo lanu valrualten Zawlkhawsir lam an lam del del.

“Kan nghah kutpui chu a thleng ta maw, Mal tin sawmtu Khuanu zarah kan lawm dawn; A thawmah mualpui a kur ngei ang...” tia bul tanin, lanu valrual an Chheih heih heih.

Miss Chapchar Kut 2011, Malaysia atan Nl. Biakthangpuii (khua: Tahan, pian kum: 1985, nu leh pa: Pi Lalpianglini & Pu Thangvunga) thlan a ni a, Pu Biakenga’n chawilukhum khumtirin certificate a hlan.

Gospel Hmangaihi’n “Zo Hnam Val Rual”, Rosiamliana’n “Zoram Ngaih Hla”, L.C.Sangi’n “Khampat Bungpui”, Daisy Khawbung-in “Mizo Val Ngei”, Dindini’n “Kan Ram Tan”, Ngurdingliana & Zaivuliana’n “Teuh Lo Mai & Alu Pum Khat” hla an sa a, a lam thei an lam a, kut an beng a, kan ri vut vut a ni ber e.

Rimawi lam mawhphurhna latu Zo Rimawi Band, Malaysia an thiam a, mipui a awi hneh takzet.

Thupuangtu B.Zarzoliana, MCF Secretary-in a khabe a sep thiam bawk a, mipui an nui leh dur dur thin.

Mipuiin “Lei Mawina”(-Rokunga) an sa a, Rev.Gospel Hrilvelthanga’n Malsawmna-in Chapchar Kut 2011, Malaysia a khar.

Malaysia Mizoten inhmuh khawmna hun, Pathianin hnam ni ve tura min lo duan Mizo hnam nunphung leh ziarang pholanna leh inzirtirna hun atana Chapchar Kut an hmang thei hi, an lawmin an intithei riau a ni.

Mizo Christian Fellowship (MCF) chuan kum danga MCF Day tia an hman thin August ni 31, Malaysia Independence Day chu Malaysia Mizo Day atan a puang a, Malaysia hmun hrang hranga cheng Mizoten hlu taka kan hman theih dan tur ngaihtuah mek a ni.

Comments

Date 28/03/2011
By pu Lianthuama
Subject ka thumal ziah sual hrilhfiah na


ka lehkah ziah lai hian, ka in leng an rawn lut a , chu vangin ka lehkha endik hman lo in ka send ta mai a ,chiartu te in mi ngaihdam na ka dil e.
ka tihsual thumal chu; inkhawp/ Inkhawm

Date 28/03/2011
By pu lianthuama
Subject chapchar kut thlir let lah na

Malaysia zofa ten kan chap char kut kan hmang chu lung a ti leng in ,hun kal tawh te pawh min hriat chuah tir na sa hle mai. kum leh ah chuan tunai ah na sa zawkin hman kan tum ho leh ang chu. a maherawh chu ka hre sual a nih chuan min ngai dam u la .in khawp na kan nei thin hmang lo a kut kan hmang zawk te a nih chuan a tha lo hle mai thei a ni .pathian mai cham ai chuan kan kut hi kan ngai pawi mawh tur chu a ni a ngem aw tih chu min ngaihtuah tir khawp mai.kan bo ruak leh kan hun in min deuh lo vang pawh a ni mai thei awm e. amaherawh chu, chu tiang hun chep tak kar ah, kan awm a nih chuan, kan hun siam rem thiam i la a duh awm kawp in ka ring . kan mai chap chu kan vawng nung tur a ni.

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E