Lungsena Tualthattu Nia Rinhlelh Lalbuanga A Inawkhlum

19/10/2010 23:55

 

Lunglei Dt.20th.10.2010:     Lungsena tualthihna chungchanga rinhlelh Lalbuanga chu nizan hmasa Dar 9:27 khan Lungsen Lock Up Ventilation-ah inawkhluma hmuh a ni.

Tun thla ni 16 tual thi Lungsen Venglai nu Lal-chhuanawmi (43) W/o H. Lalrintluanga thih chung-changa rinhlelh thila an man Lalbuanga (40) S/o Tula Lungsen Hmar Veng chu nizan hmasa dar 9:27 khan LungsenLock Up-ah inawkhluma hmuh a ni.

Lalchhuanawmi thih dan kimchang. Lungsen OC Lalnunzira hnen a\anga thudawn danin Lalchhuan-awmi hi tun thla ni 16 khan Khiangmuala thlai hmunah a kal a, tlaiah a hawn loh avangin chhung lehkhat-ten an zawng a, an hmuh zawh loh avangin khaw-tlang an pun a, Behlawi hmunah bawkkhupa thiin an hmu a, a ruang an han enchian chuan a koki ding-lam hrulah na taka sahna chu a tukkhum lamah tlang-in a chhum lek lek a, a sattu hian a sat na hle tih a hriat.

Lalbuanga an man. Hemi ni hian Lalbuanga hi a ram chhuak a,a ram chhuak hawng hi an hmuh avangin Police ten ring-hlelhin a tukah an man a, vawihnih vawithum an dawp hman a, mahse a inpuang duh lo.

Mipuiin thi ve turin an duh-Tichuan nizan hmasa khan YMA khawhar in kal hawng chu Lock Up-ah kalin “Tualthattu hi thi ve rawh se,” tiin an au a, an pungkhawm zel a, zan Dar 9 velah mipui tam tak Lock Up kawtah chuan an awmkhawm hman.

Inawkhluma hmuh a ni-Zan Dar 9:20-a Lock Up-a Constable-in Lalbuanga a va en chuan Kawmawl sinin a lo \hu hlun a, hemi hnu lawk Dar 9:27-ah a Kawmawl sin ngai ngai pawtthler chuang lo chuan Ventilation-a a inawkhlum chu an va hmu ta a, a kar a zim hle.

A inkhai chu an la thla a, a marphu a la awm avang-in Nurse leh Doctor ten theihtawp chhuahin chhan tum mahse a chatthla ta a, a thi tih hriat a nih veleh Lock Up kawta awm mipui chuan kut an beng dur. Magistrate ten Inquiry hrang hrang an tih hnuah nimin tlai Dar 4 vel khan vuiliam a ni.

Tualthattu duh loh lantir nan vawiin Dar 10 hian Lungsen MHIP huaihawtin Lungsenah kawng zawh a ni dawn tih Lungsen OC chuan a sawi.

An rinhlelh chhan kawng hrang hrang- Lal-buanga hi hemi ni hian a ram vak a, a hawn hun ngaihtuah hian an ringhlel a, tin, an khaw mipui hian a nun dan an enin an ringhlel nghal vek a, a chhan chu tunhmain mi pakhat a lo sat tawh a, tunhnaiah Minor Rape Case Trial mek a ni bawk a, he Minor Rape Case phei hi chu a huaisen hle. Lungsen Sihphir khuaa a thlenna Ina hmeichhe naupang chu pindan leh-lamah a awmpui a, a paw-ngsual nghal bawrh bawrh a, a pain a fanu rak thawm a va hriat chuan chhan a va tum a, Lalbuanga chuan lo kal suh ka kap ang che, ti hialin a lo vau dai tawh a, a pa pawh a mittui a tla zawih zawih niin an sawi.

Lalchhuanawmi zaw-nga ram pana mipui kalte hian Lalbuanga hi tawkin, ani chuan a zawng ve nghal a, a ruang an hmuh hmaa a ruang bul vela a ruang an hmuh huna dah nan tia tlangval \henkhatten sam-fai an tum laiin Chem hawh an dil a, Lalbuanga chuan ‘Khawnge maw ka Chem kha a awm le,’ tiin a zawng a, a bul hnimah chuan a lo awm reng a, hei hian an rinhlelh a tizual.

A ram chhuah hma hian Kohhran Beng Chan-chinbuin Kuva a khawr a, chu a Kuva khawrna chu ruang bulhnaiah an hmu a, an rinhlelh a tizual a,a Lu-khum thlauh an hmu bawk.

Mi bo an zawn mek lai hian Lalbuanga hian, ‘Ka lo han hawng mai teh ang,’ a ti a, YMA President nen an hawng a, YMA President bulah chuan ‘Kei hi min ringhlel leh ringawt ang a,’ a tih chuan rinhlelh a tizual.

Lalbuanga hi ramva-chal a ni a, Sa hi za chuang a kap tawh a, Lasi a zawl a niang” te an ti hial \hin a, Pathlawi,1st.IR bang a ni

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E