Lei leh Van Siamnaah Pathianin Chanvo A Nei Lo : Prof. Stephen Hawking

02/09/2010 17:49

Khawvel scientist la dam zinga ropui bera ngaih, mi thenkhatin Einstein-a leh Newton-a te aia ropui hiala an sawi Professor Stephen Hawking-a chuan The Times-a Lo Lang A Lehkhabu Chhuak Thar –ah, “ Lei leh van siamnaah Pathianin hmun a chang lo,” a ti ta mauh mai le! Hei hi Pathian tel lova thil nung lo awm chungchang hrilhfiahna Darwinism nen a inang hle.

Kan hriat theuh angin scientist-te chuan lei leh van lo intan dan hi Big Bang Theory (Puak Keh Dur Theory) hmangin an chhui thin a ni. Sir Isaac Newton-a chuan lei leh van hi Pathian siam a nih a ring deuh hlek.

Professor Stephen Hawking-a hian kum 1988-a lehkhabu hralh tla ber ‘A Brief History of Time’-ah kha chuan lei leh van siamnaah hian Pathian hian chanvo a neih a rin thu a tarlang thung!

Comments

Date 03/09/2010
By Mapuia Hnamte
Subject Scientist Ropui pawh mihring ve tho.

Professor Hawking hian Evolution Theory leh Bible-a thil siam dan hi inang lova a ngaih avangin Pathian Siamah a ngai lo' ti ila a dik awm e. Mahse Bible-a thil siam indawt chhoh dan hi Evolution theory-a life evolved dan nen a in ang satliah mai ni lovin fossil evidences -ah hei hi chu scientifically-a nemngheh a ni. Chuvangin Bible-a ni khat niin Pathianin ..a siam a.. tih hi Mosia hnêna Pathianin a thilsiam a puan chhuah ni hmasa a kawk a ni. Kan ni chhiara nikhat thil thua siam huk a ni lo niin alang. Pathian tan hunbi a awm lo, ni khat pawh kum 1000 ang a nih chuan Scientist-te'n kan awmna lei lo pianchhuah dan an sawi anga chhutin kan awmna lei insiam tan atanga Mihring lo pian chhuah hi 7 million years vel a ni. Pathian tan chuan kum 1 million pawh ni khat ang a ni thei tlat. Pathianin a thil siamin 'lo awm rawh se' a ti mai. Chutia thilnung tin reng an lo awmdan chu evolution process ang pawh a ni thei. Chuvang chuan thil hmuh chhuahte hian kan rinna a tiderthawng tur a ni lova. Bible hian a lo tlankhalh vek tawh a ni tih hi thang tharte'n kan hriat a pawimawh. Mahse Bible kan pawmdan leh rin dan hi kan fimkhur chu a ngai. Thuthlung Thar phei hi chu tehkhin thu (paraphrasetical) vek deuh thaw a ni. A thu min kawhhmuh tum hi kan hriatchian a pawimawh ber mai.

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E