LAND REFORM CONSULTATION NEI

19/08/2010 18:13

Vawiin dated 19.8.2010 11:00 am – 3:00 pm khan FW Savidge Hall, Upper Khatla-ah Prism bultumin ‘Land Reform Consultation Meeting' neih a ni a. Pawl hrang hrang aiawh leh mi puitling rual mi 34 zet an tel a ni.

Consultation hi Prism President Pu Vanlalruata’n kaihruaiin am taka sawiho a ni a. Sawihawnnaah Pu Ruata chuan land data siam tura Prism hmalakna te a sawi a. Land Revenue & Settlement Department in land data chungchanga tihdikna an siam a dik theih chuan loh dan sawiin, “An sawifiahnaah hian LSC zau zawng chu 16,10,985.660 Sq.km atangin 30.497 Sq.km Sq.km-ah an titlem, Periodic Patta zau zawng chu 4518,08,352.714 Sq.km atangin 264.157 Sq.km Sq.km-ah an titlem ringawt a. Tidikah an inngai niin a lang a. Mahse hei hian 28th June, 2010-a ‘State Level Consultation on Tax Reforms’ kan buatsaih tuma an Department aiawha lo telin, “Land record mumal kan nei lo a, chuvang chuan kan chhiah khawn chhuah theih zat pawh kan hre lo” a tih kha a nemnghet chiah a…. LSC leh P Patta zau zawng an sawi hi a zim lutuk tawh a, a dik thei lo,” a ti a ni.

Sawihona atang hian kan ram ni si, Assam in an enkawl mek Innerline Forest Reserved Mizoramin kan enkawl leh theih nana hma lak a tul zia te; Land Record mumal leh dik siam thuai a tul thu te; ram inpek dan leh enkawl dan ennawn a tul zia te; Forest area ennawn a tul zia te; Land Ceiling Act siam thuai a tul dan te; VC in ram an pek theihna dan ennawn a tul zia te; Land Lease kalphung ennawn tul zia te; Land transfer chungchanga Dan mumal siam thuai a tul dan te; natural resources leh hydel power project te atanga chanvo tam zawk phut a tul zia te a lang chiang hle a. Chak taka sorkarin Land Reform a kalpui a ngai tiin kalkhawm te chuan an sawi hlawm a ni.

Consultation hi buatsaih leh tura thu tihtluk a ni a. Prism chuan he consultation-a thusawi te hi a chak thei ang berin a bawhzui dawn a ni.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E