Lalpiangliana thihna thubuaiah Police pali-te jail-ah dah an ni

27/08/2010 16:24

June 23-a Lalpiangliana, Tanhril thih chungchanga police pali, Court-in Medical Ground-a an bail dilna August 25-a a hnâwlsakte chu nimin khan 'Piangliana thihna chungchangah an inhnamhawih lo' tih chungchanga bail an dilna ngaihtuah leh a ni a; Court chuan order a tihchhuah hma chu District Jail-a dah turin thutlukna a siam.

Lalpiangliana thihna chungchang­ah police palite'n an inhnamhawih lo nia insawia bail an dilna hi Chief Judicial Magistrate-in a ngaihtuah a; order tihchhuah a nih hmaa District Jail-a awm tura thutlukna a siam rual hian, order chu vawiin tlaiah emaw, Thawhtanni-ah emaw tihchhuah a nih tur thu CJM chuan a sawi.

Police ukilte chuan, police-te chu hun rei tak chhung an chhui hnu pawha an inhnamhnawihna hmuh tur awm lo, inquiry titute'n thu an zawhfiah tawh leh tlanbo lo tur an nih thu te, bail an dilna chu mipui nawrna ngaihtuah loa dan anga ngaihtuah tul nia an hriat thute an sawi a; Lalpiangliana thihnaah police-te an inhnamhawih lo tih finfiahna document an neihte an chhiar chhuak a ni.

Sorkar ukil lam pawhin police-te'n kut an thlak ngei tih finfiahna document an neih an chhiar chhuak a; police-te'n an khawihna avanga thi a nih leh nih loh inquiry tih zawhah hriat tur a nih rualin, an inhnamhnawih lo tawp tih ngawt chu dik theia an hriat loh thu an sawi.

CJM chuan, sorkar leh police ukilte thu a ngaihthlak hnu hian a document neihte nen en mil a, thutlukna a siam tur thu sawiin, thutlukna siam a nih hma chuan District Jail-a lo awm phawt hrih turin thutlukna a siam a ni.

Thulakna: Vanglaini

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E