Lalpiangliana thihna thu kal zelah Police 3 bail phal, 4 man rih

26/08/2010 00:17

June ni 23 zinga boral Lal-piangliana thihna thu kal zelah, hrisellohna (medical ground)-a interim bail pek mek police 7 te chung thu chu vawiin khan District Council Court chuan a ngaihtuah a. Police 3 chu an hriselna a that loh avangin bail a phalsak a, midang 4 erawh hrisellohna hranpa an neih loh avangin man tura tih an ni. Amaherawhchu, heng police 4 Ukil te hian Court phalna in naktuk hian ground dangin bail dilna hi an pulut leh thung dawn a ni.

 

Tarlan tawh angin Lalpiang-liana thihna-ah hian rinhlelh thilthu-ah police 7 te chu man an ni a, an zinga 4 te chu an hna atanga suspend an ni nghe nghe. Heng police 7 te hian an hrisellohna chhuanlam-in Court-ah bail an dil a. Court chuan thla khat kalta-ah khan an dilna ngaihtuahin thla khat chhung atan Interim bail a pe a. Hemi chhung hian an hrisellohna hrang hrangte chu Aizawl Civil Hospital-a Medical Board-te endik tir turin a hriattir thung a ni.


 Medical Board chuan heng police 7 te hriselna dinhmun hi endik in an report chu Court-ah an thehlut a. He report hmang hian District Council Court hian vawiin khan thutlukna hi a siam ta a ni.


Medical Board-in Medical Certificate a siam sak behchhana Court in thutlukna a siam dan chuan, Gnat Lalrinchhana chu ‘Major Depression Disorder, Disovative Motor Disorder’ nei nia tarlan a nih avangin bail phalsak a ni a. Lalhmangaiha Sailo chu ‘Chronic Hepatitis C Infection leh Ethanol related Liver Disease’ nei nia tarlan a ni a, bail phalsak niin, J.Lalchungnunga chu ‘Hypertension leh Cervical Spondylosis’ neia tarlan a nih avangin bail phalsak a ni bawk.


A bak midang 4 - Prem Nath, Chanchinliana, C.Lalruatfela, VL Ramhluna te chu ‘No definite ailment detected’ tih a nih avangin Court chuan man turin order a siam ta a ni.
Hetihlai hian heng police 4 te Ukil chuan bail an dilna chu me-dical ground-ah tla mah se, ground danga ngaihtuah sak leh turin court chu an ngen a. Ukil te ngenna angin Court chuan heng police 7 te interim bail a phalna chu a ti tawp (cancel)-a. Police 7 zinga 4 te thu erawh chu vawiin hian ngaihtuah that leh a ni dawn a ni.


He thu-ah hian court chuan order siamin, police 4 te chu case IO chuan man phawt turin a hriattir a, naktuka Court-a an inlan hunah pawh an manna lehkha Court-a hmuh ngei turin a hriattir bawk.


Man tura tih police 4 te Ukil chuan, Justice a awm chuan vawiin hian hnehna kan chan ngei kan ring a ni, tiin The Zozam Times a hrilh.


Tarlan tawh angin Aizawl SP in departmental Inquiry ti tura a ruat, RD Chawngthu, Addl.SP, Aizawl district chuan tunhnai khan a report peihfelin Aizawl SP hnen-ah a thehlut. He report hi phek 30 bawr vela chhah a ni a, mi hrang hrang 126 zet thu an zawt nia hriat a ni. Magisterial Inquiry leh CID lam chhuina report chu peihfel a la ni chiah lo tih thudawnna pakhat chuan a sawi.

Thulakna: The Zozam Times

* Lalpiangliana Postmortem Video en duh tan Zotui Thiang-ah a dil theih reng e.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E