Lal Thanzara’n Shillong-ah Mizoram Tan Tan La

12/08/2010 00:18

North Eastern Power Committee  inkhawma tel tura Shillonga cham mek Pu Lal Thanzara, Parliamentary Secretary to Chief Minister chuan Shillonga Mizoram House sak thar mek nimin khan Liaison Officer, Shillong Mizoram House nen an tlawh a.Mizoram House thar tur hi peih thuai a nih theih nan hnathawktute hrilhin a tul anga sawrkar atanga tih ngaite chu lo bawhzui zel a nih tur thu a hrilh.

Shillong YMA Group hruaituten Pu Lal Thanzara hi a thlenna Pinewood Hotel-ah an hmu a, Mizoram House sak tharah Shillonga Mizo awmten chhiatni thatniah an awm khawm ve theihna tur ngaihtuah sak ve tura an ngen chu Pu Lal Thanzara chuan sawkarah thlensak a tiam a, NEGRIMS (Hospital) Mizo dam lo thahnem takin an pan thinah pawh, damlote harsatna sutkian nan khualbuk tur a bul hnaiah Mizoram sawkarin lei ve se tih an rawtna pawh lo bawhzuipui a tum thu a hrilh.

Shillong Mizo Students Union (MSU) pawhin Pu Zara hi an hmu a, Mizoram scholarship Board-in scholarship thawn dan thar an duan, anmahni account hawng theuhva chutah chuan thawn ni se an tihah harsatna an tawh thu an hrilh a. Mizo zirlaiten bank-ah account an hawn dawnin an awmna vengten an hriatpuina lehkha an siam sak duh loh avangin 75 % zirlaiten account an hawng thei lo tih an hrilh.

Scholarship chungchanga harsatna Shillong Mizo zirlaiten an neih dan hi Pu Zara chuan Secretary, H&TE Govt. of Mizoram hnenah phone in a hrilh nghal a, remchanna dang siam dan ngaihtuah ni se an ti. MSU Shillong hian Pu Zara chu ni 6.9.2010 Fresher’s Social ah khual lian atan an sawm nghal bawk.

Pu Lal Thanzara hian nimina Power Department official te meeting neih zawhah  vawiina Minister ho inkhawmah Chief Minister aiawhin a tel ang a, tlaiah Meghalaya Power Minister buatsaihah a tel ang.

Thulakna: Mizo Aw

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E