KOLASIB DISTRICT HIGH SCHOOL NAUPANG TAN ESSAY & DRAWING COMPETITION NEIH A NI

19/10/2010 17:09

Kolasib District Hqrs. MZP leh Kolasib atanga chhuak nitin chanchinbu “Duhlai” buatsaih High School naupangte tana Essay inziahsiak leh Drawing Competition neih chu nimin khan Kolasib Venglai a MZP Office ah lawmman semna inkhawm neih a ni a. He hun hi Pu Lalchungnunga,SDO (S) chuan khuallian niin a hmanpui a, lawmman te hi a sem a ni.

Pu Joel Lalrammawia, President, MZP, Kolasib Hqrs. chuan lawmman semna inkhawm hi a kaihruai a. Essay leh Drawing competition hi September 30 khan neih alo ni tawh a. Hetah hian school 19 atangin naupang 109 an inel a ni. Essay inziah siakah pakhatna chu Vannunziri Cl-IX, St. John Higher Secondary School a ni a, lawmman Rs. 2,000/- leh certificate a dawng a. Pahnihna Lalbiakthuami, Cl-IX C.M. High School chuan Rs. 1,500/- leh certificate dawngin pathumna  Lalremfeli, Cl-IX Govt. Kawnpui High School chuan Rs. 1,000/- leh certificate a dawng bawk a ni.

Drawing competition ah chuan pakhatna James R. Ralsun Cl-X Govt. Diakkawn High School niin Rs. 2,000/- leh certificate a dawng a, pahnihna T.C. Lalngaihawma Cl-IX, Govt. Kolasib High School chuan Rs. 1,500/- leh certificate a dawng a. Pathumna Bilkhawthlir High School in Rs. 1,000/- leh certificate an dawng a ni.

MZP leh Duhlai Daily te hian school naupang hetiang lama tuimi leh talent nei tha te chawikana tih hmasawn an nih theih nan mahni sum sengin competition hi an buatsaih a ni.

Khuallian Pu Lalchungnunga chuan thu sawiin zirlaite chu taimakna thuam inbel tura chahin mi thatchhiaten khawvelah hmabak hun eng an nei ngai lo, a ti. Pu C. Thanmawia Editor Duhlai Daily pawhin thu sawiin, zirlaite hmakhua an ngaih avang liau liauva competition chu buatsaih an ni tih a sawi a ni.

Thulakna: DIPR

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E