Kolasib-ah mi rawktua puh vaw hlum

20/07/2010 14:47

Nimin zing dar 7 vel khan Kolasib bula Dumlui hnárah Roland-a (20) s/o Lalramthanga, Kolasib New Diakkawn, Challui Veng ruang chhar a ni a; Roland-a hi he zau leilet enkawltu vaiho thah a nia thu dawn a ni.

Kolasib-a CT Mawia leilet enkawltu, Abdul Halim (30) S/o Makbul Ali, Kallichera, Dholai-in Kolasib Police hnena a sawi danin, July 18 zan dar 11-12 vel khan Mizo pahnih an inah lutin pawisa an dil a, an pek duh loh avangin a nupui chu kut an thlâk a; hemi hnu hian an pawisa kawl lai Rs. 14,000 an lâksak a ni.

Mizo pahnih hi an chhuah hnuin a thenawma leilet enkawltu Vaiin dangte chu punin, mi pangain pawisa chhuhsaktute chu an ûm a, pakhat zawk chu ûm phain, mauin a lu-ah an vua a, an kalsan zui nghal a, pakhat dang chu an ûm phak loh thu Abdul Halim chuan police-te a hrilh.

He thil thleng hi police-te'n an hriat veleh Kolasib atangin SDPO, Francis L Ralte hoin an kal nghal a, SDO (S) Lalchungnunga pawh a hmunah a kal nghal bawk. Roland-a ruang hi leilet pahnih inrìna kawng sirah a lo awm a, a lu-ah hliam a tuar a ni. A ruang hmuh lai hian leilet zauah hian leilet enkawltu hnam dang hmuh tur an awm lo. Police-te chuan Roland-a kekawr ipte-ah Rs. 1200 an hmu a; a ruang hi Kolasib Police Station-ah an la nghal a ni.

Kolasib Police kuta inpe, Roland-a kut thlaktute hi Abdul Halim, CT Mawia, Kolasib leilet enkawltu leh Moia Uddin (20) s/o Abdul Latif, Kallichera, Dholaite an ni a, Moia hi Lalrinliana, Kolasib Venglai leilet enkawltu a ni thung.

Roland-a hi kum 2000 khan Manipur Senvon atangin Kolasib-ah an pêm lut niin a u, Lalzarliana chuan chanchinbu mite a hrilh a; hetih lai hian he chanchin ziah lai thleng hian a thianpa hi tu nge a nih hriat a la ni lo.

He thihna chungchangah hian MZP Headquarters, Kolasib chuan thuchhuah siamin, hnam dang kuta Roland-a a tualthi chu an dem thu an tarlang a, "Hetiang thil a thleng hi pawi kan ti tak zet a, pawi khawihtute hi thuneitute'n a rang thei ang ber an man chhuah kan phut tlat a ni," an ti.

MZP Gen.Hqrs pawhin thuchhuah siamin, he tualthihna hi an dem thu te, Roland-a thattute hrem ngei an phut thu leh, a chhungte an tawrhpui thu an tarlang bawk.

Thulakna: Vanglaini

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E