Insuihkhawm Leh Zai I Rel Ang U

15/10/2010 21:10

 

- Kawlthangpuia

Kum za eng emaw zah liam taa Babel in sang chim rup mai tuar nasa ber chu Zofate hi kan ni ti ila kan tisual tampui awm love. Khang hunlai khan kan hnam hi a la awm lo pawh a ni mai thei e. Mahse, Mizote lo awm tan hun leh ni hre fak lo mah ila, China ram, Chhinlung puk atangin he kan Ramah hian kan lo vak lut a ni tih chu kan chanchin chhuina bu atangin kan hre thei a. Kawlphaiah kum eng emaw zah kan pipute an khawsak hnuin Ralin Chin hills-ah an um chhova, a hniak tam lam apiang zawh thin Mizote chu thing pil sah fuh loh avangin kan lo darhsarh tan a ni tih chu chanchin chhuimite chhui dan a ni a.

Chutia tlangtin mualtina kan lo taidarh hnu chuan tawng a lo dang hret hret a, tihdan a lo hrang tial tial a, chetzia a iang lo tulh tulh a, kan khawsakdan phung lo danglam telh telhin vawiina Mizo fate hi min la nghawng kal zel hi chu a va pawi tak em! Chhulkhat kual, chunkhat hrin te chuan chumi thlah, khami thlah tiin chi leh kuang avangin kan in mi hrang en ta nuai mai a. Zaikhata luang khawma thinglung hmunkhat pu thei tawh lovin hnamdang enin kan in-en zo ta hlawm hi chu mut mawh hnar mawha neih a hun ta hle mai.

Tawng khat hmanghoa tihdan phung thuhmuna khawsahoa hnam incheina inang hmang khawm burh nghal thei lo mah ila thinglung a inpawha rilru a inrem phawt chuan he khawvelah hnam angin kan lo ding chhuak ve ang a, kan te ber tawp lovang. Hetiang kawnga pawimawh em em chu ‘Enga’ tawng hmangten Mizo kan intineitu bik leh kan unauten an hming kohna atan an duh loh zawng taka kan ko lui tlatte leh thiam leh thiam lova ‘Enga’ tawng an hman ve tuma kan nuihzat tlat thin te kan sim hi tihmakmawh a ni.

Hei hi kan thupui ber lo ni se, inlungruala inngeih dial diala Remna tui thal hova, kan awmna theuh Ram atanga inla hrang lova kan Ram tan teuh rinawm tak leh thahnemngai taka hna thawk chung zelin unauza kan nihna i pho chhuak theuh ang u. Aw le, Capt. L.Z.Sailo hla hian...

Unaute u, han dawn nawn leh teh u,

Khawvel unau hnam dang hriattir zelin

Kan nihna Chung Pathian lo ruat sa ang khan;

Insuihkhawm leh zai i rel ang u.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E