Hualngo Literature & Culture Committee-in Lushai Welfare Organization Hnena A Lehkha Pek ( Burma Lushai / Mizo Buaina Kal Zel)

12/08/2010 01:14

 

To Date: 22.7.2010


 

Captain Lianhlira,

Salvation Army (Rtd.)

Yangon LWO Chairman, Yangon.


 


 

Thupui: LWO member atana in lo ziak luh tawh mi thenkhat hming chawkreh tura hriattirna:


 

June 11, 2010 Zirtawp ni chhun dar 11:44 AM-a i internet letter leh, a chhunzawmna niawm tak lehkha phek pahnihnah khan "Rangoon-a LWO lo ding ta chuan a hnuaia ang hian hruaitu turte leh committee member turte pawh a thlang nghal" tih a ni a. Yangon LWO chairman atana thlan i nih a lan bawk avangin addressee atan kan rawn hmang ta che a ni. In inthlan nia in rorelte zingah "Member list lak khawm leh fee te khawn ni se" tih a ni bawk. Chuvangin Yangon Mizo in thenkhat tlawha Mizo/Lusei hming in lak kha LWO rorel chhuizuina a ni tih chu in rorel minutes atang hian a hriat theih ta a ni.


 

Tin, 2009 September 29 zanah Tamu khua Pu Darhmingliana inah inhmuh khawmna neih a ni a. Chumi tuma Pu K.C. Lalvungan "LWO DIN THAR LEHNA" tih thupui hmanga Journal a ziakah khan, "National Convention-in a siam 1994 kuma Dan bulpui buah chuan Kawlrama cheng hnam tinte chu an hming zat leh an chenna hmun thlenga tarlan a nih laiin Lushai tih hming reng reng hi chu Dan bulpuiah chuan a chuang ve hauh lo mai. Mi bo kan ni. He hun pawimawh takah hian remchang in dap thiam loh chuan in tan kawng a awm tawh lo vang . . . Khaw tinah kalin a hre thiam awm deuh deuh ko khawmin kan thil tum hi hriattir ni se" tih a ni. Chumi zawm zelah Kanan, Khampat, Zohmun, Tamu khuaah mi thahnemngaiten a chunga thupui hmanga campaign an neih thu tarlan a ni bawk. 2003 kum December 12 niin mi pawimawhte ko khawmin Tahanah sawihona neih a ni tih a chuang bawk. Hetianga LWO hminga campaign neih hi apawng apuiin kan sawisel a ni lo. Amaherawhchu Tamu leh Kalaymyo bial leh, tun hnai maiah Yangon-ah, abikin Hualngoho tana thil pawimawh thei a inzeh tel avangin 7.7.2010 ni khan lehkha hmasa tihchhuah a ni tawh. Chhunzawm ngai thu pawimawh a awm zel a, tunah kan lehkha pahnihna chu Yangon chauh ni lovin hmun hrang hranga LWO hruaitute hnena copy pein thil awm dan sawifiahna, Yangona hming in lak tawh insut let duh chhungkaw hming leh an hming sign-na lehkha thil telin kan rawn ziak nawn leh ta a ni. Insutlet duhtuten upate min rawn avangin an remtihnain insutletna kawng mawhphurhna kan lak sak ta a ni.


 


 

1. Hming lak dan dik lo:


 

1-1. Yangon:

Yangon LWO E.C. upaten Mizo/Lusei hming hawha in kal chhuahna kha "Member list lak khawm ni se" tia LWO rorel chhuizuina a ni a. LWO hming sawi lang duh si lova, "Tuna hming in pek loh chuan Mizo in ni thei lo vang" tia intihthaihna leh, pem bo tawh leh mitthi thenkhat hming na lama in ziak mai kha mak kan ti. In kal chhan tak hre chuang si lote an nih hlawm avangin Mizo nih loh hlauh vang emaw, Yangon Mizo Society (YMS) hminga thilti emaw an ti che u a, mi thenkhatin hming an pe ta che u a ni. Mahse, lehkha hmasaa kan sawi tawh angin mi thenkhat ina lengin thil awm dan sawipuina neih a ni a. A hnuaia chhungkua sawmpathum (13) te hi chuan an hming chawhreh an duh. An hming ziakna (sign) lehkha pawh kan thil tel (attached) bawk.


 

1) Pu Sawnzama leh a chhungte 8) Pi Lianmawii leh a chhungte

2) Nl. Laldinthari leh a chhungte 9) Pu Hmingthanmawia leh a chhungte

3) Rev. Dr. Khawtailova leh a chhungte 10) Pu Laltanpuia leh a chhungte

4) Rev. Dr. Bawi Cin Thang leh a chhungte 11) Pi Zopari leh a chhungte

5) Pi Zochhuanmawii leh a chhungte 12) Pu Lalnuntluanga leh a chhungte

6) Pu Hrangkhuma leh a chhungte 13) Pu Sapthanga leh a chhungte

7) Pu Vanlaltluanga leh a chhungte


 

A chunga tarlan chhungkaw hmingte hi chu Mizo/Lusei hming list in lakna (or) LWO member list atanga lo chawkreh tura hriattir in ni e. Tin, mi dang pawh chhuizui mek a ni a, list kan rawn pe leh ang che u. Mahni hming inpe lo, hruaituten chhungkua hming inlakte pawh an awm niin kan hria a, chhuizui mek a ni.


 


 

1-2. Tamu leh Kalaymyo bialah:

Tamu leh Kalaymyo bialah pawh "Heta hming pe duh lo chu Meitei helho kan mantir ang che u" tih leh, "Chin State-ah kan um hawng ang che u" tia vona an tawk tih thu hnar rinawm tawk atanga dawn a ni bawk. Thuhretu hming pawh sawi theih a ni e. Chu lo rengah Kalaymyo Immigration Office-a hotu thenkhat be lungawiin hming hmawra 'i' leh 'a' awm apiang LWO member list-a ziak luh an nih tak avangin, HLCA Central Committee pawhin June 3, 2010 niin Kalaymyo leh hmun danga mawhphurhna neite hnenah thil awm dan sawifiahna lehkha an pek thu dawn a ni bawk. Tamu leh Kalay Myone-te chu Kawl, Chin leh Lusei inawm pawlhna hmun an ni a. Ram mi hlun leh neitu zawk chu Kawl leh Chin-ho hi an ni. Chin zingah hian Hualngo pawh Kawlram mi hlun hnam pakhat a ni. Hetianga invona leh intihthaihna thute hi ngaihnuam lo tak a ni e. LWO hian chutianga tihtheihna power chu a nei reng em ni? Hmun leh ram bik atan khawi lai hi nge tanchhan tur awm le? Pawl pakhat thiltih atan chuan awm ang lo tak a ni.


 


 

2. Yangon Mizo insuih khawmna a khawih pawi:


 

Hman ni lawk khan Yangon khuaa awm Mizo (Enga tawng hmang zawng zawngte) chhiat ni that ni leh hnam nunphung humhalhna atan Yangon Mizo Society (YMS) din a ni a. Pu Lianhlira internet lehkhaah khan "YMS leh YZTP-te chu LWO kut ke turte an la ni ang" tih a ni a. LWO pawla tel remchang lo tan engtin nge ni ta ang?


 

"LWO HMA THLIR" tih D. Thangliana, LWO Central Secretary, Tamu thu ziakah pawh, "Politic party ni si lo, politik taka ke pen tho si . . ." tih a chuang a. LWO ke pen dan chu Lusei intite politik taka ke penna pawl pakhat a ni tih a lang nghal. Mizo (Enga) tawng hmang tho si, Lusei ni hauh lo an awm thei. Tin, LWO chu Chin hnam hlawm 53 zinga tel ve duh lo, hman lai atanga mahnia nihna hran haia inla hrang pawl an ni a, Yangon Mizo inlungrualna hi a khawih pawi thei a ni. Tithentu nih aiin tipumkhattu nih a tha zawk si a.


 


 

3. Hualngo mi leh an tu leh fate tan a pawi:


 

LWO hmalakna thil thenkhat Yangon Hualngo upaten heti taka an ngaihsakna chhan tarlang leh ila.


 


 

3-1. Ram mi hlun nihna a tiderthawng thei:


 

1963 kuma ]]jrefrmwdkif;&if;om;vl½Idif;}} tia ram mi nihna thlalaka seal an chhut ni atang khan kum leh khuaa Myanmar rama lo awm thin, ram mi hlun Hualngoho chu hman ni maia pem thar dinhmunah an din phah ta a ni. A chhan chu khatih laia LWO hruaitute leh Lusei inti mipui tam tak chu Chin hnam hlawm atanga inla hrang an ni. A anpui chiah chu tuna LWO hian a rawn chawk nung leh ta a ni e. (Lehkha hmasaa sawifiahna en rawh). Myanmar rama kan nihna leh kan dinhmun dik tak hi mipui hriata tlangzarh a mamawh a, kan nihna hum a pawimawh. Mahni nihna hum nachang hre lova tual dawih pa nih chu thang leh tharte pawhin min mawhchhiat ngei dawn a ni. Tun hi chutianga inhriatitirna hun remchang chu a ni e.


 


 

3-2. Ram mi hlun nihna leh chanvo kan hlauh thei:


 

Ram mi hlun leh pem thar nihna leh chanvo (Identity and rights) an inang lo tih chu lehkha hmasaah entirnate nen sawi lan a ni tawh. Hualngo pa pawhin LWO hmalakna hi tha a tih phawt chuan tumah kan inchelh lui lo. Amaherawhchu, thil awm dan hre chiang si lovin, a tawpah chengkawl che sual an sawi kan an palh loh nan Yangon Hualngo upate chuan he lehkha pahnihna hi a tichhuak leh ta a ni.


 

Thu a chian theih nan, Mizorama Hualngo pem tharten Mizo nih duh lova inla hrangin, an unau Chhakchhuakho khu hruai pen talh tum ta se, Mizoram sorkar leh India sorkarten tha an tihpui ang em? Chutiang dinhmun chiah chu tuna keiniho hian Myanmar ramah kan tawk ta a ni.


 


 

4. Inthlanna dan:


 

Myanmar sipai sorkarin 2010 kuma inthlan tur dan a siam kha a fimkhurin a duh uluk hle tih chu kan hre theuh awm e. Tih tur leh tih loh tur dan a siamte kha chik taka bih a ngai. Hnam hlawm tenau (rsKd;EG,fpk) pakhatah a tlem berah mi 50,000 (singnga) an tlin theih chuan Parliament Member pakhat neih theih dan a hawng. Phut zat tlin theihna tura mi pum in chhiar dan (census) pianhmang hi a duhawm tawk lo. In member ni duh lo turte kawng chi 2-3 a in vo lehnghal phei hi chu nalh lo tak a ni. Pem bo leh mitthi te chenin Yangon-ah chuan in ziak lut leh nghal a, a zia lo hle mai. Chin hnam hlawm zinga tel duh lo zawng tluangtlam takin intel khawm tur ni ula, sawi tur kan nei hran lo. Chutiang a ni si lo hi thu titamtuah a tang ta a ni.


 


 

5. Yangon Hualngo upaten an pawm theih loh thu pawimawhte:


 

  1. LWO chu tun hma atanga Chin hnam hlawm laka inla hrang a nih avangin an hmalak dan hi lungrualpui harsa kan ti.

  2. Myanmar ramah ram mi nihna leh dinhmun thar zawn hi Hualngo tan a mamawh ve lo, ni sa an ni si a.

  3. Yangon khawpuia an hming lak dan hi tha kan ti thei lo.

  4. Yangon Mizo insuih khawmna tibahlah thei a nih dawn avangin nelawm kan ti lo.

  5. Keimahni tak ni lovin LWO member tihpunna tur leh sum-pai thawhtu atan chauhva min mamawh avangin a phur awm lo.

  6. Mahni awmna Myone (Township) theuhvah eng party atang pawhin Mizo zinga mi thlan tur awm thei se tha kan tihpui. Chutiang ni lova kawng thar zawn chawp hi chu pawm thiam harsa kan ti.


 


 

6. Chuvangin, thupui atana kan tarlan ang khan hming lo pe tawh chhungkua sawmpathum (13) te hming kha in list atanga lo chawkreh turin kan hriattir che u a, in chawhreh tawh thu hriattirna lehkha chu Pu Lallianchhunga, No.30/28, Bo Zin Yaw St., New Dagon (North), Yangon, Ph. 730-63769-ah rawn thawn ngei turin kan dil a che u. Tun hnuah hetianga member zawn hi chu tichhunzawm tawh lo turin kan ngen bawk che u a ni e. Kan lawm e.


 

Yangon Hualngo aiawhin,


 


 


 

Sd/-xxxxx Sd/-xxxxx Sd/-xxxxx

1. (Lallianchhunga) 2. (Rev. Dr. Hrangtin Lala) 3. (Rev. Thanglianngura)


 


 

Sd/-xxxxx Sd/-xxxxx Sd/-xxxxx

4. (Pu Sawnzama) 5. (Pu Sapthanngura) 6. (Pu Zothansanga)


 


 

Sd/-xxxxx Sd/-xxxxx Sd/-xxxxx

7. (Rev. R.D. Hnuna) 8. (Saya Lalveiliana) 9. (Rev. Dr. Rualthankhuma)


 


 

Sd/-xxxxx

10. (Pu Sang Ro Thuama)


 


 

cc:

  1. Yangon LWO Secretary

  2. LWO Central President, Secretary leh

  3. YMS leh YZTP President leh Secretary . . . te tan Cap. Lianhlira Internet lehkha thil tel (attached) a ni a, a tul dan anga lo chhuizui tura ngen in ni e.

  4. HLCA Central Committee EC leh mimal thenkhat.

Hetah hian download theih a ni e:-

HLCA-in_LWO_hnena_lehkha_an_pek[1].doc (54 kB)

 

Hei pawh hi chhiar tel a tha: -
 

Burma Mizo / Lusei Chungchang/

Comments

Date 01/07/2014
By hualngo te lal
Subject leh kha ziah hi

lehkha ziah hi chhiar dan pawh ka thiam lo ka mit a ti vai vek tha deuh leh chhiar nuam deuh in ziah dan a awm awm sia he ti kher kher ra ziah chu tlem in rawn ziak tha leh deuh la a fuh zawk awm ma nge

Date 19/05/2014
By hualngo te lal
Subject rap thlak ve

he tianga mahnia din hran an duh te chuan Hualngo hi eng vanga min sawh min sawh nge maw an nih thin lushai an in tih te chuan a in ti lushai zawng chah hming lise la se tha mai tur

Date 30/10/2013
By Muanteipa
Subject Rev.Rev.Rev

Rev. meuhvin he tiang ringawt in alh chilh hi , in beramte inngaihsak loh zia a ti lang hle mai.

Date 11/02/2012
By chia
Subject jia love

a va jia lo thrin tak em! Kawngthra han dap vat2 te u, lungrual taka kan awm ho dial2 theih nan...

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E