Hortoki-in Tuikuk duh belh lo

14/09/2010 15:12

 

Hortoki khawtlang hruaitute chuan Pathianni khan sorkarin Mizoram atanga Tuikuk tlanchhiate lâk lêt turah, Hortoki leh a chhehvela chhungkaw 138 dah belh a tum chungchang an ngaihtuah a; Hortoki vela Tuikuk chhngkaw 138 dah belh chu remti loin, chhungkaw pakhatmah awm belh tawh lo turin an rel.

Hortoki Jt. YMA President, Lal­ringliana chuan, tunah hian Hortoki ram chhunga Rajdali (Zodin)-ah Tuikuk chhungkaw 86, Dilzau-ah chhungkaw 32, Tiauzau (Thosibawk)-ah chhungkaw 15, a vaiin chhungkaw 133 an awm tih a sawi a; chhungkaw 138 dah belh leh a nih chuan, Hortoki khaw mipui zatve vel an tlin theih dawn avangin, Tuikuk dah belh an duh lo tih a sawi a ni.

Lalringliana chuan, an khua leh a chhehvela Tuikuk chhungkaw 138 dah belh an remtih loh chungchang chu an theih dan ang anga kenkawh an tum tih a sawi a; Pathianni tlaia Tuikuk chungchang an ngaihtuahnaah hian V/C leh NGO hruaitu mi 50-te chu an lungrual hle tih a sawi bawk.

Hortoki VCP, Lalhruaia pawhin, Kolasib district-a Tuikuk chhungkaw 138-te chenna tur Hortoki-ah hmun a awm lo tih a sawi a, "Tuikuk chhungkaw heti zat hi kan mikhual thei tawh lo a, an inbenbelna tur a awm thei lo ang," a ti.

Hortoki YMA hruaitute chuan, an khuaah Tuikuk an dah belh an duh loh thu hi District Task Force Committee-ah an thlen bakah, an duh dante thlawp turin Awithangpa Group YMA an sawm dawn niin an sawi. Awithangpa Group YMA hian Hortoki khawtlang duh dan hi naktuk, Nilaini hian Emergency Meeting koin an ngaihtuah nghal dawn nia thudawn a ni.

Thu dawn danin, Tuikuk lâk lêt tur chungchangah hian District Officer pakhat chuan, NGO emaw Tuikuk emaw thu aiin sorkar thu a lal dawn a, sorkarin Tuikukte chu an awmna hmun tur hruai thlen a tum tih a sawi a; chhawmdawlna awm thei ang ang sorkarin pek a tum a, mamawh hmasa - zirna, tui in tur, hriselna, êng leh chenna in turte chu a changtu department tinte'n an ngaihtuah dawn tih a sawi bawk.

Hetih lai hian, Hortoki Jt. YMA President, Lalringliana chuan, sorkarin Hortoki-a Tuikuk dah belh a tum hi tihtlem tum nia Kolasib atanga nimin zinga thu an dawn thu sawiin, hei vang hian khauh taka kal an tumna pawh hi a nem leh deuh mai thei niin Vanglaini a hrilh.

Thulakna: Vanglaini

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E