Central YMA CADS chuan nimin zing lam dar 9:00 khan Bawngkawn Lunglei Road-a an chenna atangin Vanbawihlala leh Manghuliana, Tahan, Myanmar intite hnen atangin heroin (no.4) can 70 an man a, Rs.2,45,000/- hu a ni. Pathianni zan pawh khan Khaia, Tiddim, Myanmar inti hnen atangin Parvon Spas box 10, mum 1,500, Rs.50,000 man an man bawk a, an vai hian Excise kutah an hlan. Nov. ni 26 zan khan Mizoram Police-te nen tangkawpin Aizawl khawpuia hmeichhe awmtha duh lo hruaikhawmte Synod Social Front Counselling Front nen counselling class an neihpui.
Thulakna: Mizo Aw