Google-in Thawktu 6000 Chuang Lak Belh Dawn, Malaysia-ah Office Din Dawn

26/01/2011 21:40

Ni 25 January 2010, Thawhlehni khan Internet lalram awptu, a tel lova khawvel vir thei tawh lo ang hiala min tam takin an sawi – GOOGLE  chuan kumin chhungin khawvel hmun hrangah thawktu mithiam 6,200 aia tlem lo a rawih belh tur thu a puang.

Google hian kum 2010 khan thawktu 4,600 a lak belh a ni. Kum 2007-a thawktu 6131 a lak belh tum kha Google-in thawktu a rawih belh tam ber kum a la ni hrih a, kum 2011 hian kum 2007-a thawktu a lak aia tam lak a tum a ni. Google hian tunah khawvel ram 30-ah office 60 chuang neiin, hnathawktu 24,400 a nei a ni.

Ni 26 January 2010, Nilaini khan Julian Persaud-a (Managing Director of Google Southeast Asia ) leh Mukhriz Mahathir-a (Malaysia's deputy trade and industry minister) te chu Kuala Lumpur khawpuiah an inhmu. Google-in Malaysia sorkar a biak zawh hian, Malaysian Google Office din a nih tur thu a puang nghal a ni.

Google-in Malaysia Office a din tur hi, Singapore Google Office din a nih atanga kum 4-naa ding, Souteast Asia-a Google Office din pahnihna a ni dawn a ni. U.S. Google hian khawvel khawmualpui dangah ram lak tumin hma a la mek zel a, tunah hian mihring maktaduai 27 chenna, Internet hmangtu pun chak em emna , mi maktaduai 17 chuangin Internet an hmanna  – Malaysia ah hian Office a din belh dawn ta a ni. Malaysia-a Google Office din a nih chuan Malaysia ram leh a mipuiten hamthatna tam tak an chang dawn a ni.

Tuna GOOGLE Dinhmun Tlangpui

1.     Kum khat chhunga chhiah chawi zat/ senso zat - $30 billion

2.     Hlawkna tel zat – $8.5 billion

3.     Thawktu zat - 24,400

4.     Thil siamchhuahte (Products) - Google Web Search, Android, Blogger, Chrome, Chrome OS, Gmail, Google Analytics, Google App Engine, Google Apps, Google Blog Search, Google Books, Google Calendar, Google Buzz, Google Checkout, Google Code, Google Desktop, Google Earth, Google Finance, Google Goggles, Google Health, Google Image Search, Google Latitude, Google Groups, Google Maps, Google News, Google News Timeline, Google Patents, Google Product Search, Google Reader, Google Scholar, Google Sites, Google Talk, Google Toolbar, Google Translate, Google Trends, Google TV, Google Voice, Knol, Orkut, Picnik, Picasa, SketchUp, YouTube leh sawi chhuah mai theih loh thil dang chhiar sen loh.

5.     Eltute - Apple, Facebook, Microsoft, Yahoo

6.     Google Search atanga ni khata khawvel mipuite thil zawn zat - 3 billion vel

7.     Company neihte - Aardvark, AdMob, AllBits, Android, AppJet, Applied Semantics, Blind Type, Bump Technologies, Deja.com, DocVerse, Dodgeball, DoubleClick, eBook Technologies, FeedBurner, Genius Labs, Gizmo5, GrandCentral, Invite Media, Jambool, JotSpot, Keyhole, Like.com, MeasureMap, MetaWeb, Neotonic, On2, Orion, Outride, Picasa, Phatbits, Picnik, Postini, Pyra, reCAPTCHA, ReMail, Ruba, Simplify Media, Skia, Slide.com, SocialDeck, Urchin, Where2, WideVine, Writely, YouTube leh a dang tam tak.

8.     Website zawng zawng nena khaikhinin – Khawvelah pakhatna

9.     Google Search atanga khawvel mipuite zawn nasat/tam ber – Facebook

Thulakna: The Wall Street Journal, Time Magazine, Fox News, AFP, Wikipedia

Comments

Date 26/01/2011
By Maupuia
Subject Bengvarthlak

Bengvarthlak thin hle mai.

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E