English Thumal Chhuakthar Hmanlar Tak Takte

21/10/2010 23:23
- Ricky H.Vanlalnghaka

Khawvel a changkang zel a, tawngkam chi hrang hrang a chhuak thar zel a, dictionary thenkhata awm lo, mahse kan khawsak ziain a chherchhuah chawp english word khawvelin a hman lar taktakte i lo tarlang teh ang.

Agritourism = Khualzinten lo neihna (farm) hmuna an zin emaw lo/huan thlai neihna hmuna an  kalin emaw thlai te an va chin ve hian Agritourism an ti.

Alcopop = Thei, zu nena pawlh thalaite lei theih tura zawrhchhuah ang chi hi. Zawlaidi te pawh hi  a huam tel ang.

Audiophile = Rimawi ngainatak leh rimawi khaihnawih chhuak thar ber ber lakhawm peih deuhho  hi.

Baggravation = ‘Bag’ leh ‘aggravation’ tih belkhawm a ni a, airport-a mi dang bag a thlen kim vek  tawh hnua i bag a la thlen ve si loha i hlauhthawn a, i zawn ruai hian he tawngkam hi hman a ni  thin.

Burkini / Burquini =  Muslim hmeichhiaten tui chen kawr an taksa pum khuh an hak thin hi. an  ban atang kiu thleng leh an ke atang an ke ler phah thleng leh an nghawng leh an sam thlengin  an khuh vek thin a ni. Hetiang hi Burkini emaw Burquini emaw an ti thin.

Captcha = ‘Completely  Automated Public Turing Test To Tell Computers and Humans Apart’  tih  lamtawi a ni a, internet website emaw computer-a thil kan tih duh kan tih hmaa mi lem lo langa  thil inziak lo chhut dik hi a ni a, email-a thil tul lo tak tak dawn pumpelh nana tih a ni.

Daycation = Khawiah emaw kan intilhlim emaw kan kal a, zan kan riah si loh hian. Lehlang  tihna a ni maiawm e.

Decruitment = Pawl emaw company-a hnathawktute kan ban thena, company kan tihtet deuh  hian tawngkam zahzelah ‘Decruitment’ tih hi an hmang thin.

Dramedy = Film emaw TV programme-a drama leh nuizatthlak a inpawlh hian.

Emoticon = ‘emotion’ leh ‘icon’ belhkhawm a ni a, email message-a mihring lu ang deuh an  inthawn thin hi, a then chu a che thei.

E-stalk = Email emaw Internet search hmanga mi tu emaw kan zawn hian.

Fashionista = Mi tu emaw tunlai thei ang bera a incheiin.

Flexitarian = Sa ei ngai lo (vegetarian) zinga a chang zeuh zeuha sangha emaw sa dang ei thinho  hi.

Freemale = Hmeichhia mahnia awm duh tlatho, kawppui nei duh lo, kawppui an neih lo chuan an  thil tum an tihlawhtling thei dawn zawka inngai tlatho hi.

Flightmare = flight’ leh ‘nightmare’ tih atang lak a ni a, thlawhna chuan dawna zam riauho hi ( an  bag an theihngilh vang te leh an chuanna tur an hriat loh avang te a ni ber)

Gastrosexuals = Mipain in leh a vel tih fai aia eirawngbawla lama a tui viau a, a thiante leh a  chenpuite hmaa a eisiam thiam dan a hmuh fo hian.

Greycation = Senso a tlem zawk nana pi leh pute bula chawlh hman hian.
Hotspot = wireless Internet hman theihna hmun. Entirnan, airports, hotels, train stations, etc.

Infomania = SMS emaw email-a inbox kan check ngun viau hian.

Infotainment = ‘Information’ leh ‘entertainement’ atanga lak a ni a, internet online hmanga kan  news chhiar leh hunawl kan hman mai mai hian he tawngkam hi hman a ni thin.

It girl = Mi lar (celebrity) a thiltih vang ni lova media-te avanga a lar vak hian, entirnan. Paris  Hilton, etc.

Jumbrella = ‘Jumbo’ leh ‘Umbrella’ atanga lak a ni a, nihliap lianpui restaurant leh  intihhlimna  pawna an dah thin hi. |henkhat chuan cofee in nan hmangin a hnuaia an thu thin.

Netizen = Internet khawih avanga hun tamtak hmang thinho hi.

Newbie = Pawl emaw veng emaw mi thar (member thar) te hi.

Nonliner = An khawih thiam loh avanga a khat tawka internet hmang theih lo leh hmang ngai lote  hi.

Notspot = Internet speed muan deuhna hmun emaw internet khawih theih miah lohna hmun emaw  khua hi Notspot an ti.

Recessionista = Sum tlem te hmanga maksak thei ang bera inchei sawi nan an hmang ber tawh.

Sandwich generation = Miin a fate an duh zawng a tihsak leh a nu leh pate duh zawng pawh a  tihsak duh bik hunlai hi Sandwich generation an ti.

Screenager = Naupang te te computer screen hmaa hun hmang thinte hi Screenager

Sitcom = ‘Situation’ leh ‘Comedy’ atanga lak a ni a, tunlai mila drama leh TV-a fiamthu an thawh  thin te hi.-

Trekkie = Star Trek film enhratho hi.

Thulakna: Mizo Aw

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E