ENG RI NGE?

25/04/2010 00:25

Taksa bung hrang hrang atanga ri chi tinreng chhuakte hi kan hre theuh tawh ang a. Rel kal ri ang maia hnar bawrh bawrh ri te, rimawi chitin rem ang maia pum ri rawih rawih te kan hre thin a. Chung rite chu kan hlamchhiah mai dawn nge? Natna pakhat khatin ri hmangin min rawn sawi harh zawk nge ni ang? Chhiar chhunzawm zel teh.

Irhfiak

Mitin mai hi kan irhfiak theuhin a rinawm. Irhfiak pangngai hi chu darkar li aiin a rei ngai lo. Gas tel theitui te, zu (beer) kan in avang te, thawklehkhata rilru hahna kan tawh thut chan hian thli hi rang taka hip lut ang kan nih avangin irhfiak hi a chhuak thin a ni. Ei in ei ran lutuk avang te leh kan ei in kan thial chip tawk loh avang pawhin irhfiak hi a chhuak thei bawk. Irhfiak rehna kawng dik tak hi a awm hran lem lo va. Thaw la miah lova tui in te, vur tui nena kam thuah te, champara seh te, chini liah te leh rin loh hlana inbum thutte hian irhfiak hi a tireh ve thei zu nia. Darkar li aia rei i irhfiak chuan fimkhur a ngai hle tawh a. Ngaih pawimawh hle tur a ni. Lung kiangah emaw rilah emaw bawk leh panhnai a awm avang a ni thei. Chutiang a nih chuan Doctor hnena kal vat a tha.

Pum

Ri hniama a rik chuan nihphung pangngai (normal) a ni a. Ril a tamin a ri thin a, kan thil ei pumpuiin a thial dawna a han sang mar velah pawh hian a ri thin bawk. Ri sang (high-pitch)-a a rik chuan fimkhur a ngai. Ril zim tak chhunga eiin thun lui anga ril kua a zim hian ri sang a ri thin. Doctor hnenah kal vat ang che. A bik takin pum a puar vaka pum a nat tel bawk chuan damdawiin pan vat tur a ni.

Khup

Khup chu a rik kuk kuk pawhin hlauhthawn em em tur a ni lo va. Doctor hnena kal pawh a ngai lem rih lo. Hetia a awm chan pawhin kan la tlan thei tho thin. Khup a ri ni mai lova a nat tel chuan emaw a vung emaw a nih chuan Doctor pan a tha. Kal pawh kan kal tha hlei thei lova kan bai euh euh phei chuan a pawimawh lehzual. Ruh chang vung a ni thei tlat.

Beng kiu ri

Kar khat vel chauh a rei a, tawrh hreawm lutuk a nih loh chuan nih phung pangngai (normal)-ah a ngaih theih. Hlauhthawn tehchiam tur a ni lo. Beng ngaihthlakna hmanga music ring deuh deuha kan ngaihthlak vang a ni tlangpui. I ngaihthlak dan pangngai aiin 40% vel, a ri kha tihniamin ngaithla chhin teh. Tin, nikhat darkar khat bak ngaithla lo la a reh thei mai ang. Cafein tel thingpui, coffee kan in te, darkar 24 chhunga esperine mum li aia tam kan eite hian beng chhunga thli kal vel a tihdanglam theih avangin beng a kiu thin bawk. Kar khat chuang zet a kiu a nih chuan normal a ni tawh lo. Tin, Lungphu ri dup dup hriat khawpa ri te, beng leh lam chauh ri vung vungte a nih chuan hriatna hlauh theih khawp hiala pawi thei a nih

avangin fimkhur a ngai hle tawh a ni. Tin, Benga hrik a luh vang pawh a ni thei a, chu bakah thisen sang leh natna dangte avangin beng chhunga thisen kal vel a chhiat hian a kiu thin bawk. Beng, hnar, hrawk lam thiam doctor hnenah inentir vat ang che.

Hnar ri

I hnar bawrh bawrh lai kha i mutthilh tui lai tak a nih avangin i tan chuan engmah ni hek suh. Amaherawh chu, i kianga mute tan chuan hreawm a ni thei tlat. Kan mutthilha hrawk thazam a zawi hnu hian dang hnung lama thazam chuangte a rawn fualthla a, thli kawng a dal hian kan hnar ri thin. Thawk kan hip luh hian tissue te a insawia hnar ri a lo chhuak ta a ni. Sir zawnga han mut hian a ziaawm deuh. I kianga muten i hnar ri mai bakah thawk kham lo ang maia thaw i lak vak vak an hrilh hriat che chuan fimkhur a ngai hle tawh tihna a ni. I thisen chhungah oxygen a tlem vang a ni thei. Darkar khatah vawi sawm aia tam emaw engti khawpin mu mah la mut kham lo anga i awm rengin emaw a nih chuan natna chi khat vang a ni htei. Chuta tangin thisen sang leh lung natna thlenga i neih theih avangin mithiam in entir vat rawh.

Ruhchang ri

Han chet vel reng reng hian ruh chang khawi lai emaw hi a ri thin a. A na emaw a vung emaw a nih loh chuan care vak tur pawh a ni lem lo. Normal a ni. Mahse, normal tih avanga ri reng tur chu a ni chuang lo. Ruh chang rik         paha a na, a vung tel a nih loh leh chet harsa khawpa hrehawmte a nih chuan a chiang vak tawh lo. Kan inhliam vang leh ruh chang pelh sawlh avangin ruh no bungnawiin a dan vang pawh a ni thei. Chu bakah hun rei tak awh thin (emwm&Snf) ruh chang vung natna sign pawh a ni thei a, Doctor hnenah i kal vat dawn nia.

 

(No. 266, January, 2010 thla chuak Good Health Magazine-a Nu Myat

(aq; 1) ziak lehlin a ni. Ed.)

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E