Dist.hmasawnna tura chhawp, hmuh tur awm si lo te LDCC ten a awmzia an sawi thei em - Lawmawma Tochhawng

19/10/2010 00:14

Lunglei Dt.19th.10.2010: Nimin dar 1:30 khan MNF Sub.Hqrs.Office Lungleiah MNF Sub.Hqrs.hruaitute leh MPC Sub.Hqrs.hruaituten Lunglei Media an kawm.

 MNF Sub.Hqrs.Presi-dent Lawmawma Tochh-awng chuan Media te an kohkhawmna chhan chu kan hma lawka Aizawla Municipal inthlan lo awm tura MPC te nena an thawhho tur chungchang a nih ber thu a sawi. 

Lawmawma chuan, ‘Aizawl Municipal inthlan lo awm turah MPC te nen thawhdunna thuthlung kan hotuten an ziak a, thawh-dunna hi Zoram pumah leh Lunglei Dist-ah pawh rah \ha leh duhawm a chhuah ngei kan beisei a ni, Politics-ah hian ram tana \ha tur nia hriat kawngah ngaihdan inan loh chang a awm \hin a, ei leh bara intodelh leh hmasawnna hrang hrang kalpui a nih reng hian ram pum tana thil hlauhthawnawm leh ven-thawn a lo thleng fo \hin, kan sawrkar hrawn mek hian sakhuanaahte, Culture-ah te, India tangka sum ngainatnaah te leh kawng hrang hrangin Indiani-sation, Ganges lipuia min luhpui an tum mek a nih hi, he thil hlauhawm lak a\anga Zoram mipuite kai-thova, ti\hangharh tur leh boralna kawng kan zawh mek ata hawikirtir tura tum leh duh thuhmuna kan hru-aituten hma an la hi kan lawm hle a ni,’ a ti.

Hetihlai hian sorkarin Buhfai khamkhawp min pek theih loh avangin mipui kan mangang mek a, MNF sawrkar lai kha Mau-tam vanglai a ni na chungin mipuiten Buhfai kham-khawp kan nei a, tunah chuan patling karkhat tla atan Kg 2 kan lak chu hahipa sawi a tling ta, Chanchinbu leh Radion-ah Buhfai a tam ti si, a taka tam si lo hian min tibuai e,’ a ti.

Lawmawma  chuan, ‘A ruala vawilehkhata inkalpawhna kawng chhe ta em em mai te hi a mak a, rambuai vang-lai ang maiin Road Permit tihte kan hre leh ta, chutiangin Petrol, Diesel leh Gas-ah harsatna kan tawk a, hei hi sawrkar mawh-phurhna a ni,’ a ti. LDCC hruatuten min chhang thei em?
    (1) Lunglei Civil Hospital tihchangtlunna tura ruahman Work Order pawh pek vek tawh pawisa kha khawiah nge a awm tak?
    (2) Minister Pc.Lal-thanliana`n Ind.Day-a a sawi Pu Hawla kaihhruaiin Lunglei Dist.min duhsak dawn a,State Annual Plan Fund Crore 1250 a\angin 1% (Crore 12.5) Lunglei High Power Committee kaltlangin min siamsak a tihte kha a taka kan hmuh-ah chuan Crore 6.5 chauh a ni si.
    (3) NLUP hi an sawr-kar tukah engzat nge an sem, Haulawng tlangdunga sem tawh tihah te hian tuten nge dawng?
    (4) Kawmzawlah thla thum hnuah Copter Service tir tum a ni,” an ti leh bawk a, Kawmzawl a\ang hian Helicopter hmangin mi engzat chiah nge Civil mi an phurh tawh?
    (5) Southern Range Lunglei hi IPS Post-ah dah a ni ta a, DIG atan pawh IPS ngei Congress sawrkar chuan a rawn dah ta, tia LDCC thuchhuah kha a Lehkhatui pawh a la reh lo maithei e, tunge DIG chu?
    (6) Rorelna luipui anga luantir tum sawrkar hian Lunglei SSA a hna-thawk awmze nei lo va an han sawn kual te hi rorelna dik a ni em, NREGS sum hman dik loh avanga mipui phun nuai nuai te hi rorelna dik a ni em, tih te LDCC chhan atan a sawi lang.

MPC Sub.Hqrs. President Lalrinzuala pawhin thusawiin, ‘Mipui tlemtein sawrkarna an siam thei angin tuan sawrkar pawh hi a kal a, chuvang chuan kan hmaah hian Party pahnih chauh awmna hi Mizoram-ah hian a awm ngei dawn niin a lang ta,’ a ti.

Lalrinzuala chuan, ‘Dist. Council pathumte tan CM leh Lok Sabha MP ten Direct Funding an dilsak nia lang te hi ram tana thil pawi a ni, tin, Delhi-a Residential Commissioner mipuiin an nin em em hi CM hian engvangin nge a sawn loh tih te hi ngaihtuah tham a tling a ni,’ a ti. Copyright@ Vulmawi Daily - Lunglei

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E