CYMA Office Bearer hluite chawimawi an ni

16/08/2010 17:18

Young Mizo Association kum 75 tlin champha, Platinum Jubilee chu Inrinni khan  Vanapa Hall-ah lawm a ni a, he hunah hian Central YMA office bearer hlui, tuna la damte chawimawina hlan an ni.

Thusawitu CYMA President, Lal Chungnunga chuan, Mizote zingah Kristian dik leh piangthara inchhál tam tak an awm a, mahse a taka rah chhuah hmuh tur erawh chu duhthusamin an tam lo tih a sawi a; Mizote nu leh pate'n fate an ngaihsak tawk lo tih sawiin, "Mizote zingah tunlai khawvel sualna kawngah chak taka pên an tam tual tual a, hei hi tu leh fate'n ngaihsak an hlawh tâwk loh rah chhuah niin a lang," a ti.

Lal Chungnunga chuan a bikin Aizawlah ruihhlo a hluar hle a, 'em em a' tih tur khawpa naupang thlengin an rui tih a sawi a, "Nu leh pate'n an fate dinhmun an hriat chian duh loh avangin, ruihhlo bawihah naupang tê tê an táng mek a ni," a ti.

YMA President chuan, Mizote chu Pathian thu sawi tam, ngaithla tam leh piangthar ngun ber an nih a rin thu a sawi a, mahse nun dan erawh ngaihtuah chian ngai tak a nih thu a sawiin, "Kan lan dan hi kan nihna dik tak a ni lo tih a chiang; hei hi fate kan hlamchhiah rah a ni. Kan fanau, Lalpa laka kan rochante hi khawchhak mite kuta dah atan chuan an uiawm lutuk," a ti.

Lal Chungnunga chuan, hnathawh kawngah Mizo thalaite thanharh a tul thu leh, Mizo thalaite'n hna an thawh that duh loh avangin Mizoramah mikhual cham rei an awm a, chung mite'n chuan zawi zawiin Mizoramah hmun an neih len zel thu a sawi a, "Heng mite hnenah hian tun atanga rei lo teah kan faten inhlawhna an la dil ang tih ka hlau a ni," a ti a; nuamsa sa leh dinhmun tha saa eizawnna bul tan tum  a dik loh thu a sawi.

Inkhawmah hian CYMA Vice President leh Kumpuan Chairman, JH Zoremthanga'n YMA kumpuan "Khawtlang nun siamthat" tih a sawi. Zoremthanga chuan, Mizoramah rorelna dik leh tha a awm tawk loh avangin mi pawngsualtu zinga 70%-in an phû tâwk hremna an hmuh loh thu leh, Mizoram sum a hmanna tura hman loh a tam avangin Mizoramah sualna a pung nia a lan thu sawiin, "Do ngai zingah kut tling loa sum lak luh a tel a, YMA-in ka do zel a ngai a ni," a ti. YMA-in ruihhlo a do loh laiin mahni intih hlum leh HIV kai an pun thu sawiin, "Sorkar pawhin ruihhlo do kawngah tan a lak lehzual a tul," tiin a sawi.

Inkhawmah hian Branch YMA zaipawl leh mimal zaithiamte zaite ngaihthlak a nih bakah, lemchante entir a ni a; CYMA hruaitu hluite leh mi pawimawh dangte'n thu an sawi bawk.

YMA Jubilee lawmna inkhawmah hian Platinum Jubilee Souvenir, 'Zawlbuk' chu CYMA President hlui la dam zinga upa ber, C Rokhuma'n a tlangzarh a; CYMA Office Bearer hlui, tuna la dam mi 39-te chawimawina thuziak hlan an ni.

CYMA Gen. Secretary, Lalbiakzuala report danin, YMA Group 46 leh Branch 777 a awm mek a, Branch 51 chu Mizoram páwna mi an ni. Tunah hian member mipa 2,12,874 leh hmeichhia 1,40,620, an vain member 3,53,494 an awm mek a, life member mi 8,157 an awm bawk.

YMA Platinum Jubilee puala damlote tana thisen pe Branch 70 an awm a, chung mite thisen pek tling khawm chu unit 1,691 a ni. Branch hrang hrangte'n tanpui ngai chhungkaw 611-te an tanpui a, in thawm that leh sak that 97 a awm bawk.

Thulakna: Vanglaini

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E