College Sports-ah Buaina

16/10/2010 02:38

October ni 15 (Friday), Pachhunga University College Playground-a Mizoram University Sports Meet 2010 kharna neih zawh taka college zirlaite leh College Veng mipui karah buaina namen lo a chhuak a. Hemi chungchangah hian a kaikuang ber nia lang chu he sports kharna neih a nih zawh ve leha zirlaite haw chho zingah Hrangbana College chu an champion avang leh buaina a chhuah an hlauh avangin an zirlai hruaitute leh an zirtirtute’n midang zawng haw hnu-ah a hnung dawl turin an hawtir a. Hetia Hrangbana College zirlaite leh zirtirtute haw chho hi PUC Main gate an rawn pelh hma-in Pachhunga College Zirlaite’n lungin an lo tawng a. Heta tanga buaina chhuakah College Veng khawtlang hruaitute rawn thleng ve nghalin Hrangbana College an veng chhunga buaina siam an phal loh thu an sawi a. Zirlaite pawh a tam zawk chu an haw chho mek zel bawk a ni.


Hetih lai tak hian College Veng Information Mike atangin, “Hrangbana College zirlaite’n kan vengah buaina an siam a, College Veng mipa tawh phawt chu he buaina chhuahna hmun pan tur hian chhuah khawm nghal vek tur, hriamhrei neih ang ang ken nghal tur,” tiin an au a. Heta tang hian buaina mit tawh lam pawh rawn punlunin Hrangbana College zirlai 7 (pasarih) lai chuan damdawiin panpui ngai khawpin hliam an tuar a ni. Heng mi pasarih bakah hian hliam na lo deuh tuar eng emaw zat an la awm bawk a ni. Hetia buaina a punlun tak zelah hian College Veng Field-a College Veng Branch KTP Sports nei mekte pawh rawn inrawlh ve nghalin anni kut pawh hi zirlaite hian an tuar nual a ni. Buaina chhuahna hmunah hian Police lam pawh an thleng ve nghal a, zirlai zingah hliam tuar an awm tak nual avang leh College Veng pa ho te hriamhrei nena an rawn chet tak avangin Hrangbana College zirlai tam tak (a bikin hmeichhiate) chu an thlabar em em a. Hetih lai hian College Veng tlangau dan lo hre pha Venghlui leh Republic khawtlang hruaitute’n an lo hum a ngai hial a ni.


He buaina punlun chhan berah chuan College Veng khawtlang hruaitute inauh khawm dan ber hi nia report a ni. Tunah hian Hrangbana College zirlai damdawiina awm mek te zinga thenkhat phei chu ngaihtuahawm deuh nia hriat a ni a, an zingah hian hmeichhe pahnih an tel nghe nghe a ni. He buaina chungchangah hian Hrangbana College zirtirtute leh zirlai te chuan anmahni lo humtu Venghlui leh Republic khawtlang hruaitute chungah an lawm hle tih an sawi bawk.


He MZU Sports Meet 2010 ah hian a pumpuiah Hrangbana College chu an champion a. Anni hian Gold 5, Silver 2 leh Bronze 2. Pahnihna chu Govt. Aizawl College niin Gold 2, Silver 4 an la bawk a ni. Pachhunga University College leh Mizoram University Students’ Union ten Gold 1 ve ve la-in Pathumna an ni bawk.

Thulakna: Mizo Aw

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E