CM THUSAWI KAN PAWM LO

16/08/2010 17:46

- C.Laltanpuia
Secretary i/c Imformation
PRISM

Prism chuan Chief Minister Lal Thanhawla’n Independence Day-a RTI kan hmang tangkai lova a sawi kha kan pawm lo hul hual a. Vigilance Commission an din loh chhan nia a sawi kha pawm har kan ti hle.

RTI hi Mizoramah kan hmang tangkai hle a. Pawl leh mimal hrang hrangin sorkar document tam tak la chhuakin hemi hmang hian corruption pawh kan haichhuak hnem ta hle a. Kan pawl ringawt hian information 254 la chhuak tawhin heng behchhan hian PIL 8 kan file tawh a, FIR 29 kan theh lut tawh a, khaw 9-ah Social Audit kan buatsaih tawh a, thil dik lo siamthat anih theihnan thuneitu hrang hrang hnenah rawtna 30 chuang kan thlen tawh a, booklet hriat hlawh tak tak 8 kan chhuah tawh a. Heng avang hian mi engemaw zatin corruption thubuai an awrh tawh a, pawisa kawngbo tawh cheng nuai tam tak sorkarin a hmuh let tawh mai bakah pawisa kawngbo tur cheng vaibelchhe eng engemaw zat kawng bo lovin a awm tawh a. Kan pawlin RTI kan hman tangkai ringawt pawh hi sorkarin lawmthu a sawina tham a ni a. Pawl dang leh mimal hrang hrang thiltih te nen phei chuan kan State tana chhuan tham khawpin RTI hi kan hmang tangkai tawh a. Kan hmang tangkai deuh deuh zel bawk a ni.

Mizorama RTI hman tangkai tawk loh chhan hi sorkar vang a ni a. RTI tangkaina ber tur Section 4 of RTI Act sorkarin a tihlawhtling duh lo leh mipui hnena awareness campaign a nei tha duh lo hi a pawi ber zawk chu a ni a. Mipuiin kan hman duh laia harsatna siam ching official te lakah hian sorkarin mipui a hum a tul tak meuh a ni.

Congress Party in Election Manifesto-a pakhatnaa an ziah Vigilance Commission an din loh tur thu kan Chief Minister in a sawi mai hi hriatthiam har kan tiin hetianga mipui min bum hi a pawi kan ti a. Engineer rual criminal case awrh tur tih zuzi leh tak mai te, criminal case pahnih awrh tawh Officer suspend loh a dah reng te, an rin tawk ACB in an chhui chhuah tawh prosecution sanction awm lova dah mai mai ang te hi an tih zawm zel theihnan Vigilance Commission hi an din ngam lo a nih zawk Prism chuan kan ring a ni.

Sorkar hi inlamlet se, kan ram tichhetu bulpui corruption tihtlem anih theihnan Chief Information Commissioner ruatin Section 4 of RTI Act hi anih dan tur dik takin tihlawhtling se; corruption haichhuah mawhphurtu in Dan hremna a tawh ngei theihnan mipui hnena an tiam tawh Vigilance Commission din thuai se kan duh tak zet a ni.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E