China-in US sipai chakna el tumna a neih loh thu, tun hnaia Washington tlawhtu Chinese sipai hotu lu ber Gen Chen Bingde-a chuan a sawi.
Gen Chen Bingde-a chuan US sipai leh a chakna chu China aiin a changkangin a ropui fe zawk a, China hian US khum a tum ngai lo a ni, a ti. Chutih rualin Gen Chen Bingde-a chuan, US-in Taiwan-a ralthuam a hralh thinna chu titawp tura China-in a duh thu sawiin, US-in Taiwan-ah ralthuam a hralh leh a nih chuan China leh US inzawmna nasa takin a chhiat tur thu leh boruak tha lo a chhuah theih thu a sawi bawk a ni.
Taiwan leh China hi kum 1949-a ram chhung indo avanga inthen hrang an nih avangin, an ram thenawm mai mah ni se, China hian a ram chhunga lak luh tumin a la bei nasa hle a ni. China leh Taiwan hi ralthuam hlauhawm pui pui hmangin an intin vu vu reng a ni.
Sipai leh Ralthuam lama China leh America Dinhmun
Tehna Ralthuam |
China |
U.S.A. |
2010 budget |
$ 78 billions |
$ 729 billions |
Sipai neih zat |
2.26 millions |
1.58 millions |
Indo thlawhna(fighters) neihzat |
1,320 |
2,379 |
Ralbeih thlawhna intibo thei (stealth figheters) neih zat |
0 |
139 |
Indo thlawhna leh ralthuam engkim phur lawng lianpui (aircraft carrier) neih zat |
0 |
11 |
Tui hnuai lawng (submarine) neih zat |
65 |
71 |
Tichhetu indo lawng (destroyer) neih zat |
27 |
57 |
Nuclear ralthuam neih zat |
240 |
9,400 |
Thulakna: BBC, Wikipedia